Udzielniki dvuchdzionnaha samita Jeŭrapiejskaj rady, jaki adkryŭsia ŭ Brusieli 7 lutaha, nie buduć abmiarkoŭvać biełaruskaje pytańnie i status ministra zamiežnych spraŭ Biełarusi Uładzimira Makieja.Pra heta paviedamiła Maja Kačyjančyč,
«Jeŭrapiejskaja rada sfakusujecca na nastupnym doŭhaterminovym biudžecie Jeŭrasajuza i pytańniach „arabskaj viasny“. Biełaruś u paradak dnia samita nie ŭklučana», — skazała Kačyjančyč.
Pavodle jaje słoŭ, nie budzie abmiarkoŭvacca i pytańnie ab źmianieńni statusu Uładzimira Makieja, jaki na hety momant znachodzicca ŭ śpisie biełaruskich čynoŭnikaŭ, jakim zabaronieny ŭjezd na terytoryju.
«Našy abmiežavalnyja miery pieryjadyčna abmiarkoŭvajucca i pierahladajucca. Ale na hety momant niama nijakich źmianieńniaŭ adnosna statusu Makieja», — padkreśliła Kačyjančyč.
Napiaredadni samita ŭ intervju «Radyjo Svaboda» deputat Jeŭraparłamienta ad Litvy Justas Paleckis paviedamiŭ, što padčas samita moža być uźniataje pytańnie ab vydačy ŭjaznoj vizy na terytoryju Jeŭrasajuza kiraŭniku biełaruskaha źniešniepalityčnaha viedamstva. Na dumku šerahu jeŭrapiejskich čynoŭnikaŭ, Makieju treba dazvolić ujezd u ES, bo mienavita z kiraŭnikom MZS treba pierš za ŭsio havaryć ab demakratyzacyi krainy.
Nahadajem, Uładzimir Makiej byŭ uklučany ŭ śpis nieŭjaznych u ES biełaruskich čynoŭnikaŭ 31 studzienia 2011 hoda. Na toj momant jon uznačalvaŭ Administracyju prezidenta Biełarusi.
Kamientary