Яго біяграфія — гатовы сцэнар для блокбастара аб прыгодах self-made person у савецкія і постсавецкія часы.
Лагер для рэпрэсаваных, дзіцячы дом, завод, армія, юрфак, суд, Міністэрства юстыцыі, калегія адвакатаў, гучныя справы і вечны няроўны бой з беззаконнем ды несправядлівасцю. Сёння ў OLD SСHOOL парады ад вядомага беларускага юрыста і праваабаронцы Гары Паганяйлы.
Калі мне было гадоў восем, тых, хто «стукаў» адміністрацыі дзіцячага дома пра нашыя сакрэты, запіхвалі ноччу ў тумбачку і выкідвалі з другога паверха. Так я ў самым пачатку свайго жыццёвага шляху зразумеў, што нельга здраджваць сваім сябрам. Як бы на цябе ні ціснулі.
***
Яшчэ з дзіцячага дома я засвоіў прынцып «з хуліганамі — па-хуліганску». Я і дагэтуль так лічу. І калі канфліктная сітуацыя складваецца так, што я магу чакаць удару, то я ўдару першым. Карацей, калі цябе б’юць па правай шчацэ, то паспрабуй ухіліцца ад удару і ўрэзаць так, каб больш замахвацца не захацелася.
***
Мужчына павінен працаваць над сваім целам, займацца спортам. Ён павінен не проста мяса на костках насіць — кожная цягліца мусіць быць бачная! Асабліва пакуль малады.
***
Доўгі час я займаўся маржаваннем, а цяпер штодня раніцай прымаю ледзяны душ. Гэта самы просты і карысны спосаб прачнуцца і ўвайсці ў новы дзень.
***
Дзяўчаты любяць вушамі. Таму навучыцеся прыгожа гаварыць.
***
Я жанаты ўжо амаль 40 гадоў. Галоўнае ў шлюбе — не наносіць грубых крыўдаў, паважаць годнасць чалавека, які побач з табой. Але гэта пры ўмове, што ёсць каханне. Бо ўсё глупства, калі няма кахання.
Працяг чытайце па гэтай спасылцы.
Цяпер чытаюць
Калеснікава: Я не разумею, чаму Еўропа не пачала перамовы з Лукашэнкам раней за ЗША7
Каментары