Вышыня гурбаў снегу на выходных павялічыцца ў тры разы!
Беларусь на гэтых выходных апынецца пад уладай снежнага шторму,
паведаміла галоўны сіноптык Рэспубліканскага гідраметэацэнтра Людміла Парашчук.
«У найбліжэйшыя суткі актыўны цыкланічны віхор, якому нямецкія метэаролагі далі мужчынскае імя «Хавер», рэзка пагоршыць умовы надвор’я ў нашай краіне.
Ён спрычыніцца да цэлага набору небяспечных і неспрыяльных зімовых з’яў надвор’я», — распавяла Людміла Парашчук.
Так, у ноч на пятніцу, 15 сакавіка, на паўднёвым усходзе Беларусі чакаецца працяглы моцны снег, раніцай і днём у многіх раёнах краіны пройдуць моцныя снегапады. Вышыня гурбаў снегу павялічыцца ў два, а месцамі і ў тры разы.
Узмоцніцца вецер, парывы будуць дасягаць 15–20 метраў у секунду, удзень месцамі хуткасць ветру будзе сягаць 21–24 метры ў секунду. Будуць моцныя завеі, на дарогах утворацца снежныя заносы. Па паўднёвым усходзе краіны пройдзе моцны мокры снег і дождж, месцамі ўтворыцца галалёд, наліпанне мокрага снегу. Тэмпература паветра на працягу сутак складзе 2–8 градусаў марозу. Ноччу па паўночным захадзе краіны слупок тэрмометра апусціцца да мінус 9–15 градусаў. У
На большай частцы тэрыторыі краіны пройдзе снег, ноччу па ўсходняй частцы сіноптыкі прагназуюць моцныя снегапады.У суботу захаваецца ўплыў паўднёвага цыклону, які змяшчаецца праз паўднёвы ўсход Беларусі ў бок Маскоўскай вобласці.
У многіх раёнах захаваецца моцны парывісты вецер, завея, на дарогах снежныя заносы.Тэмпература паветра ўначы складзе 7–14 градусаў са знакам мінус, па паўднёвым усходзе чакаецца да 4–6 марозу. Днём прагназуецца ад 2 да 8 ніжэй за нуль, месцамі слупок тэрмометра апусціцца да адзнакі ў мінус 10 градусаў.
«У нядзелю, 17 сакавіка, вецер сцiхне, спыняцца снегапады. Але ўслед за цыклонам адкрыецца доступ на поўдзень паветраным масам з Арктыкі, пачнецца ўзмацненне маразоў»,— распавяла галоўны сіноптык.
Так, ноччу ў Беларусі чакаецца ад 8 да 14 градусаў са знакам мінус, па паўночным захадзе маразы будуць да 15–20 градусаў. Тэмпература паветра днём складзе мінус 4–10 градусаў, па паўднёвым захадзе будзе цяплей — 1–3 градусы ніжэй за нуль. Пераважна па ўсходняй частцы краіны пройдзе кароткачасовы снег.
У панядзелак пры ціхім малавоблачным надвор’і прыкметна ўзмоцняцца начныя маразы. Уначы чакаецца ад 13 да 19 градусаў са знакам мінус, месцамі мароз узмоцніцца да 20–27 градусаў
Днём прагназуецца 4–10 градусаў ніжэй за нуль, па поўдні будзе ад 1 да 3 марозу. «Такі тэмпературны фон будзе ніжэйшы за кліматычную норму не толькі для сярэдзіны сакавіка, але і для сярэдзіны студзеня.
Істотных ападкаў не прагназуецца», — адзначыла Людміла Парашчук.
Паводле яе слоў, да сярэдзіны наступнага тыдня ў многіх рэгіёнах Беларусі захаваецца зімовы характар надвор’я.
Каментары