Мініятурная выява каталіцкага святога знойдзеная на Гродзеншчыне.
Медальён знаходзіцца ў досыць кепскім стане, таму надпісы прачытаць немажліва. Аднак выявы дазваляюць меркаваць, што на ім менавіта святы Язафат: барадаты мужчына ў мітры з біскупскім жазлом у адной руцэ і аліўкавай галінкай (сімвалам пакутніцтва) у другой.
Біскуп Язафат Кунцэвіч быў забіты ў Віцебску ў 1623 г. апанентамі на рэлігійнай глебе. Па смерці Кунцэвіч быў кананізаваны, культ ягоны пашыраўся. Аднак пасля скасавання Уніі на тэрыторыі Расейскай імперыі ў сярэдзіне ХІХ ст. усе ягоныя выявы метадычна знішчаліся: цяпер кожная з іх уяўляе сабой тэму для даследавання.
На другім баку медальёна традыцыйна выяўленая Багародзіца, вельмі падобная да Коданьскай Маці Божай. Кодань – мястэчка над Бугам (цяпер Польшча). Там дзейнічаў грэка-каталіцкі храм, па якім цяпер захавалася толькі брама. Сам жа цудатворны абраз шанаваўся як каталікамі, так і ўніятамі.
Медальён, верагодна, з’яўляецца “каранаткай”, то бок сімвалічнай памяткай аб каранацыі абраза (абраз Коданскай Багародзіцы быў каранаваны ў 1723 г.).
Як нам мпаведамілі ў Гродзенскім музеі гісторыі рэлігіі, у іх фондах пакуль няма арыгінальных выяваў св. Язафата, хоць музей і мае залу, прысвечаную Уніі ў Беларусі. Медальён пакуль знаходзіцца ў прыватай калекцыі, але неўзабаве будзе перададзены ў грэка-каталіцкі парафіяльны цэнтр у Гродне, які мае адкрыцца ўжо сёлета.
-
«У турме я любіў выносіць смецце». Гісторыя Мандэлы, які разумеў, што немагчыма заманіць ворага ў засаду, калі не ведаеш, як мысляць яго генералы
-
«Мы заўсёды лічылі сябе старажыламі». Аналіз ДНК паказаў, што сям’я з Германіі жыве ў сваёй вёсцы ўжо тры тысячы гадоў
-
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х
Цяпер чытаюць
Работніцы «Мінск-Арэны» далі калонію за «садзейнічанне экстрэмізму»2
Работніцы «Мінск-Арэны» далі калонію за «садзейнічанне экстрэмізму»
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8989
Каментары