Сталічная міліцыя ўстанаўлівае пацярпелых ад дзеянняў мінчаніна, які знаёміўся ў сацыяльных сетках з дзяўчатамі, а затым учыняў у іх крадзяжы.
У міліцыю з заявай аб крадзяжы ювелірных вырабаў звярнулася 24-гадовая мінчанка. Сума выкрадзенага склала 70 мільёнаў рублёў. Высветлілася, што незадоўга да крадзяжу ў дзяўчыны з'явіўся інтэрнэт-паклоннік. Віртуальныя спатканні ператварыліся ў рэальныя і праходзілі ў яе дома. Пасля чарговай сустрэчы і было выяўлена знікненне залатых вырабаў.
Ва ўчыненні крадзяжу міліцыя западозрыла новага знаёмага пацярпелай і пачала ўстанаўліваць яго асобу. Тым часам малады чалавек сам звязаўся з сяброўкай і здолеў пераканаць яе ў тым, што не мае ніякага дачынення да прапажы. А на раніцу пасля спаткання гаспадыня кватэры не далічылася ў сваім кашальку 1,5 млн. рублёў.
У ходзе вышуковых мерапрыемстваў супрацоўнікі крымінальнага вышуку Фрунзенскага РУУС ўстанавілі асобу падазраванага ў крадзяжах і затрымалі яго. Ім аказаўся 30-гадовы раней тройчы судзімы за такія злачынствы жыхар сталіцы. Акрамя таго, у праваахоўнікаў з'явіліся падставы меркаваць, што затрыманы мае дачыненне да ўчынення і іншых аналагічных злачынстваў.
Памёр паэт Уладзімір Карызна, аўтар слоў да цяперашняга дзяржаўнага гімна Беларусі8
Каментары