Маладая мама з 8-гадовай дачкой загінула пад цягніком. Застаўся 8-месячны сын
Трагедыя здарылася ўдзень 1 мая ў Барысаве.
Юля з дачкой пераходзіла чыгуначныя шляхі і абедзьве трапілі пад цягнік. Акалічнасці здарэння невядомыя. Жанчына жыла ў аграгарадку Лошніца, што побач з Барысавам.
«Яна была разумнай і добрай. Часам наіўная... Але добрыя людзі заўсёды наіўныя. А яшчэ яна была абсалютным дзіцём, якое не паспела стаць дарослым. Была цудоўнай сяброўкай», — напісала знаёмая дзяўчыны на яе старонцы ў сацыяльных сетках.
У міліцыі кажуць, што інцыдэнт адбыўся ў светлы час сутак.
Жыхары Лошніцы шакаваныя гэтымі смерцямі. Яны ведалі 28-гадовую Юлію і яе 8-гадовую дачку Алёну.
«Я не надта добра знаёмая была з ёй, але і так ведала толькі са станоўчага боку, — расказала жыхарка вёскі Таццяна. — Дачка ў яе была ад першага шлюбу. А сын Кірыла, ён толькі 8 месяцаў таму нарадзіўся, — ад другога».
Каментары