У чацвер вызначыліся ўдзельнікі фінальнага матчу футбольнай Лігі Еўропы 2012/2013 — імі сталі лонданскі «Чэлсі» і партугальская «Бенфіка».
У Лондане леташні пераможца Лігі чэмпіёнаў «Чэлсі» выйграў у швейцарскага «Базэля» з лікам 3:1. Тыдзень таму футбалісты «Чэлсі» перамаглі з лікам 2:1.
Партугальская «Бенфіка» гуляла ў Лісабоне з турэцкім «Фенербахчэ», які выбіў з Лігі Еўропы барысаўскі БАТЭ, і выйграла 3:1 (першы матч — 0:1).
Фінал пройдзе 15 мая ў Амстэрдаме.
«Чэлсі» двойчы перамагаў у Кубку ўладальнікаў кубкаў УЕФА: у 1971 г. і 1998 г.
«Бенфіка» — слаўны партугальскі клуб, 33-разовы чэмпіён краіны, у 1961—1962 гг. пад кіраўніцтвам венгерскага спецыяліста Белы Гутмана, двойчы выйграў Кубак еўрапейскіх чэмпіёнаў. На прапанову застацца ў клубе — тады наймацнейшым клубе Еўропы, які спыніў гегемонію непераможнага «Рэала» — і выйграць яшчэ не адзін еўракубак,
Гутман сказаў: «Больш кубкаў не будзе». З тых часоў «Бенфіка» пяць разоў гуляла ў фіналах Кубка чэмпіёнаў і аднойчы ў фінале Кубка УЕФА, але кожны раз цярпела паразы.
Як будзе гэтым разам?
Апытанка
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары