Эканоміка55

Сямашка: Украіна і Беларусь маюць намер спыніць гандлёвыя войны

Украіна і Беларусь маюць намер на працягу месяца вырашыць узаемныя праблемы ў гандлі, у тым ліку адносна экспарту і імпарту кандытарскіх вырабаў. Пра гэта заявіў першы намеснік прэм’ер-міністра Беларусі Уладзімір Сямашка па выніках пасяджэння Міжурадавай украінска-беларускай змешанай камісіі па пытаннях гандлёва-эканамічнага супрацоўніцтва, якое прайшло 22 мая ў Кіеве.

«У нас няма дыскрымінацыі ў гандлі. Разам з тым не да канца разблакіравана пытанне па мяса-малочнай прадукцыі, па ўкраінскай кандытарскай прадукцыі, якая таксама ўваходзіць у харчовую групу. Але на працягу месяца гэтыя пытанні будуць вырашаны», — цытуе Сямашку агенцтва УНІАН.

Ён таксама звярнуў увагу, што Беларусь выказвае значную цікавасць да імпарту ўкраінскай прадукцыі металургіі, харчавання, сельскагаспадарчага насення, прадукцыі цяжкага машынабудавання, энергетычнага машынабудавання.

У сваю чаргу першы віцэ-прэм’ер Украіны Сяргей Арбузаў выказаў упэўненасць, што ўкраінскі і беларускі бакі знойдуць разуменне па пытаннях узаемнага гандлю. «Перспектывы нашых узаемаадносін вельмі высокія. Нашы ўзаемаадносіны на вельмі высокім узроўні. Толькі сёлета мы сустракаемся ўжо другі раз. Чакаецца сустрэча на ўзроўні прэм’ер-міністраў дзвюх краін і, магчыма, кіраўнікоў дзяржаў. Мы не можам не дамовіцца», — заявіў ён.

Нагадаем, праблемы з пастаўкамі ў Беларусь паўсталі ва ўкраінскіх вытворцаў кандытарскіх вырабаў у пачатку красавіка. Асацыяцыя «Укркандпрам», якая аб’ядноўвае ўкраінскіх вытворцаў кандытарскіх вырабаў, звярталася ва ўкраінскія органы ўлады. Паводле інфармацыі ўкраінскіх СМІ, пытанне ўзнімалася падчас красавіцкіх перамоў членаў урада Украіны з Уладзімірам Сямашкам. «Беларускі бок абяцаў разабрацца і сітуацыю ўрэгуляваць, але час прайшоў, а ўкраінская кандытарская прадукцыя на беларускі рынак так і не паступае», — паведаміў тады прэзідэнт асацыяцыі «Укркандпрам» Аляксандр Балдынюк.

У пачатку мая першы віцэ-прэм’ер Украіны Сяргей Арбузаў даў абяцанне вырашыць праблему паставак украінскіх кандытарскіх вырабаў у Беларусь. «У нас плануецца сустрэча, міжурадавая камісія будзе працаваць. Я на наступным тыдні збяру ўсе пытанні і буду вырашаць з урадам Беларусі», — заявіў Арбузаў.

Тавараабарот Украіны і Беларусі ў 2012 годзе склаў 7,32 млрд. долараў. Па выніках першага квартала 2013 года тавараабарот склаў 1,35 млрд. долараў, што на 3,2% менш за паказчык аналагічнага перыяду 2012 года.

Каментары5

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Інжынера-канструктара з упраўлення «Пеленга», якое робіць тэхніку для расійскага войска, асудзілі па палітычных артыкулах3

Інжынера-канструктара з упраўлення «Пеленга», якое робіць тэхніку для расійскага войска, асудзілі па палітычных артыкулах

Усе навіны →
Усе навіны

Камандзір чачэнскага спецназу назваў журналістаў «петухамі» і паказаў, што носіць гадзіннік за 250 тысяч еўра

«Сделано в Белоруссии». Сацсеткі ўзбудзіліся ад сыру загадкавага паходжання9

Сяргей Ціханоўскі атрымаў пашпарт Новай Беларусі ФОТАФАКТ16

У Польшчы збіраюць грошы на лячэнне хворага беларускага хлопчыка6

Звычайны пачак беларускага масла пад ультрафіялетам паказаў схаваныя таямніцы12

Хто той беларус, які загаласіў на мітынгу, што Сяргей і Святлана Ціханоўскія — «ганьба і пагроза нацыянальнай бяспекі Літвы»30

Дэмакратычная Рэспубліка Конга і Руанда падпісалі ў кабінеце Трампа мірнае пагадненне5

«Радзівілава» мяжа ВКЛ з Лівоніяй значна супадае з сучаснай мяжой Беларусі9

Знікла жанчына, якая ехала з Беларусі ў Германію праз Варшаву

больш чытаных навін
больш лайканых навін

Інжынера-канструктара з упраўлення «Пеленга», якое робіць тэхніку для расійскага войска, асудзілі па палітычных артыкулах3

Інжынера-канструктара з упраўлення «Пеленга», якое робіць тэхніку для расійскага войска, асудзілі па палітычных артыкулах

Галоўнае
Усе навіны →

Заўвага:

 

 

 

 

Закрыць Паведаміць