У Баранавічах сацабарона купляе аўто з аўдыёсістэмай і падагрэвам сядзенняў за 250 млн
Машына, якую выбрала ўпраўленне па працы, занятасці і сацыяльнай абароне Баранавіцкага гарвыканкама, прыкладна ў 1,5 раза даражэй аўтамабіляў, якія закупляюць аналагічныя ўпраўленні ў іншых рэгіёнах краіны, піша Intex-press.
Для якіх мэтаў патрэбна такая нятанная і камфортная машына і, галоўнае, ці дапаможа яе набыццё палепшыць сацыяльнае абслугоўванне гараджан, ва ўпраўленні не пракаментавалі.
«Аўтамабіль будзе выкарыстоўвацца згодна з рэгламентам. Да пабачэння», — адрэзала начальнік упраўлення Таццяна Латышава, адзначыўшы толькі, што ўся інфармацыя аб прызначэнні аўто размешчана ва ўмовах тэндару.
Аднак ва ўмовах тэндару гаворыцца толькі пра тое, што аўтамабіль мае кузаў тыпу седан за 250 мільёнаў рублёў, купляецца за кошт сродкаў мясцовага бюджэту і павінен быць абсталяваны электрашклопад'ёмнікамі, аўдыёсістэмай з чатырма дынамікамі спераду і падагрэвам пярэдніх сядзенняў.
Сума, якую гатовыя аддаць за легкавы аўтамабіль ва ўпраўленні па працы, занятасці і сацыяльнай абароне Баранавіцкага гарвыканкама самая высокая сярод размешчаных на сайце дзяржзакупак заявак у параўнанні з упраўленнямі іншых гарадоў абласнога падпарадкавання.Напрыклад, пінскае кіраванне прапаноўвае за легкавы аўтамабіль 165000000 рублёў, кіраванне Ваўкавыскага райвыканкама — 127500000 рублёў.
Самы ж дарагі аўтамабіль пасля баранавіцкага — чорны УАЗ, які купляе тэрытарыяльны цэнтр сацыяльнага абслугоўвання насельніцтва Барысаўскага раёна. Аўто каштуе 210 мільёнаў, і там таксама патрабуюць наяўнасці ў аўтамабілі падагрэву пярэдніх сядзенняў, а акрамя таго лёгкасплаўных дыскаў і парктронік.
Між тым, за суму, якую баранавіцкае кіраванне марнуе на легкавы аўтамабіль, цэнтры сацыяльнага абслугоўвання ў іншых гарадах вылучаюць на набыццё мікрааўтобусаў і аўтамабіляў для перавозкі людзей з абмежаванымі фізічнымі магчымасцямі.
Цяпер чытаюць
Трамп заявіў, што вядзе з Лукашэнкам перамовы пра вызваленне часткі з 1400 палітвязняў28
Каментары