blockquote>Надзея Каткавец прызначаная намеснікам кіраўніка спраў прэзідэнта Рэспублікі Беларусь. Адпаведны ўказ кіраўнік дзяржавы падпісаў 5 ліпеня.
Аляксандр Лукашэнка таксама падпісаў указ аб вызваленні Іосіфа Роліча ад пасады намесніка кіраўніка спраў прэзідэнта Рэспублікі Беларусь у сувязі з пераходам на іншую работу, паведамляе БелТА
Надзея Каткавец нарадзілася ў 1960 г. у Іванаўскім раёне. У 1987 г. скончыла Сельгасінстытут у Горках.
З 1987 па 1995 год – галоўны эканаміст, старшыня кааперытыва саўгаса «Гарадзец» у Шклоўскім раёне, якім нейкі час кіраваў Лукашэнка.
З 1995 па 2003 год – дырэктар РУЭДСГП «Усход» Кіраўніцтва справамі прэзідэнта.
Працавала з 2003 года на пасадзе намесніка міністра сельскай гаспадаркі і харчавання Рэспублікі Беларусь,
а з 2004 года па красавік 2010 г. - першым намеснікам міністра сельскай гаспадаркі і харчавання.З красавіка 2012 г. яна была дырэктарам дэпартамента аграпрамысловай палітыкі Еўразійскай эканамічнай камісіі.
Пра сваю сям'ю Надзея Каткавец у інтэрв'ю «Звяздзе» казала: «Я нарадзілася і вырасла ў вёсцы.
Большую частку свядомага жыцця адпрацавала ў сельскай мясцовасці: эканамістам, бухгалтарам, старшынёй гаспадарак.І толькі апошні час я ўмоўна гарадскі жыхар. Бо і лад жыцця, і праблемы, і працоўныя моманты — усё адназначна звязана з вёскай. Мая мама жыве пад Мінскам, у вёсцы Атоліна. І я, хоць і маю кватэру ў Мінску, усё роўна на выхадныя прыязджаю менавіта туды. Часта бываем мы і ў бацькоўскім доме ў Іванаўскім раёне Брэсцкай вобласці. Там такая цудоўная прырода! Побач з вёскай два возеры з чыстай вадой. На адным з іх дагэтуль жывуць лебедзі. Недалёка лес, рака Ясельда».
Надзея Каткавец: Нічога разумнейшага за аграгарадкі прыдумаць было нельга
«Размаўляў увесь час па-беларуску». Павел Севярынец запісаў свой першы зварот пасля вызвалення18
Каментары