Нацыянальная асацыяцыя суддзяў Чылі выбачылася за тое, як паводзілі сябе суддзі падчас праўлення ваенных пасля перавароту 1973 г., калі да ўлады прыйшоў генерал Аўгуста Піначэт.
У заяве гаворыцца, што ў гэты перыяд суддзі перасталі выконваць сваю ролю абаронцаў асноўных правоў і свабодаў. «Прыйшоў час папрасіць прабачэння ў пацярпелых, сваякоў ахвяр… і ў чылійскага грамадства», — сказана ў заяве.
Генерал Піначэт кіраваў краінай паміж 1973 і 1990 гадамі. За час яго праўлення былі забітыя больш за тры тысячы чалавек.
Праз тыдзень у Чылі адзначаць 40-ю гадавіну ваеннага перавароту, які прывёў Піначэта да ўлады.
У заяве Асацыяцыі суддзяў гаворыцца, што яе чальцы, а асабліва суддзі Вярхоўнага суда, не змаглі абараніць грамадзян ад праізволу дзяржавы.
Сярод іншага суддзі ў той перыяд адхілілі прыкладна пяць тысяч спраў блізкіх зніклых або забітых людзей, якія дамагаліся таго, каб суды назвалі месцазнаходжанне зніклых.
Тады яны атрымлівалі стандартны адказ, што суд не валодае такой інфармацыяй. Цяперашні правацэнтрысцкі ўрад заявіў, што 40-я гадавіна перавароту атрымае афіцыйнае прызнанне ў краіне.
У жніўні прэзідэнт Себасцьян Піньера заявіў, што пераварот 11 верасня 1973 з’яўляецца «гістарычным фактам», і што 40 гадавіна — час «падумаць» пра падзеі тых гадоў.
Цяпер чытаюць
Хто з беларусаў трапіў на прыём да прэзідэнта Польшчы ШМАТ ФОТА10
Каментары