Праваахоўнікі затрымалі чалавека, што, як мяркуецца, разаслаў лісты з пагрозамі выбуху ва ўсе школы ў Маладзечне, паведамілі ў эфіры перадачы «Панарама» тэлеканала «Беларусь 1».
У выпадку доказу віны яму пагражае да 5 гадоў пазбаўлення волі, а таксама пакрыццё прычыненай шкоды. Затрыманага дапытваюць следчыя. Імя меркаванага зламысніка не называецца. Мяркуецца, што гэта мясцовы жыхар.
Сёння раніцай у дзве школы Маладзечна прыйшлі па пошце лісты, у якіх утрымліваліся пагрозы падарваць навучальныя ўстановы, калі на ўказаны рахунак не будуць пералічаныя $10 тыс.
Пазней такія ж канверты прыйшлі яшчэ ў восем школ горада.
Органы ўнутраных спраў маментальна адрэагавалі на пагрозу — усё школьнікі і персанал школ былі эвакуяваныя, а ў будынкі накіраваны піратэхнічныя групы ўнутраных войскаў МУС, а таксама спецыльнае падраздзяленне па барацьбе з тэрарызмам «Алмаз». Усе школы старанна абследавалі, ніякіх выбуховых прылад знойдзена не было.
Упраўленнем Следчага камітэта Беларусі па Мінскай вобласці распачата крымінальная справа.
Дзеянні зламысніка кваліфікаваныя як загадзя ілжывае паведамленне аб небяспецы, што пацягнула цяжкія наступствы (ч.2 арт.340 Крымінальнага кодэкса Беларусі). Пошукамі займаліся супрацоўнікі Міністэрства ўнутраных спраў, Следчага камітэта і Камітэта дзяржаўнай бяспекі.
Цяпер чытаюць
Лукашэнка загадаў прышчапляць нелюбоў да Польшчы пачынаючы са школы71
Лукашэнка загадаў прышчапляць нелюбоў да Польшчы пачынаючы са школы
«У выніку ён сказаў мне: «Хопіць мяне шантажаваць, я хачу палюбавацца гэтымі дрэвамі». Аксана Колб расказала, пра што размаўляла са Статкевічам на мяжы88
Каментары