Даўно ніводныя выбары ў Расіі не выклікалі такой інтрыгі, як выбары мэра Масквы. Упершыню за доўгі час апазіцыя вылучыла перспектыўнага кандыдата. Гэта Аляксей Навальны — антыкарупцыйны блогер і лідар руху за сумленныя выбары, чалавек, які прыдумаў лэйбл «Адзіная Расія» — партыя жулікаў і злодзеяў».
На пасаду кіраўніка Масквы прэтэндуюць шэсць кандыдатаў.
Гэта Міхаіл Дзегцяроў ад партыі Жырыноўскага, Мікалай Левічаў ад мякка апазіцыйнай «Справядлівай Расіі», Іван Мельнікаў ад камуністаў, Сяргей Мітрохін ад «Яблыка», Аляксей Навальны і цяперашні мэр Сяргей Сабянін. Апошні, дарэчы, ідзе як самавылучэнец, а не як кандыдат ад «Адзінай Расіі».
Выбарчыя ўчасткі зачыняцца ў 20 гадзінаў маскоўскага часу. Назіральнікі не выключаюць, што, калі будуць зафіксаваныя фальсіфікацыі, у Маскве могуць выбухнуць вулічныя пратэсты.
Цікава, што на 3400 выбарчых участках усталяваныя сем тысяч камер відэаназірання.
Паводле апытанняў грамадскай думкі, рэйтынг Сабяніна вагаецца каля 50%, Навальны набірае каля 20%.
Цяпер чытаюць
Памёр паэт Уладзімір Карызна, аўтар слоў да цяперашняга дзяржаўнага гімна Беларусі5
Каментары