Клічко заклікаў Януковіча падаць у адстаўку, каб не паўтараць лёс дыктатараў
Апазіцыя патрабуе поўнай «перазагрузкі» ўлады, адстаўкі прэзідэнта і ўрада ды датэрміновых выбараў. Пра гэта заявіў на пасяджэнні парламента лідар партыі «УДАР» Віталь Клічко.
Ён заявіў, што нельга мірыцца з дзеяннямі праваахоўнікаў: «Калі мы цяпер праглынем гэта, то прыйдзецца глынаць паліцэйскія дубінкі заўсёды», — заявіў Клічко.
Паводле яго слоў, ніякіх высноў з крывавых падзей на Майдане ні кіраўніцтва ўрада, ні прэзідэнт не зрабілі, абмежаваўшыся «прыгожым абурэннем».
«Я патрабую адстаўкі ўрада. А таксама прыцягнення да адказнасці ўсяго кіраўніцтва МУС», — заявіў Клічко.
«Поўную адказнасць за злачынствы супраць грамадзян нясе чалавек, які мае ўсе паўнамоцтвы і паўнату ўлады ў краіне — гэта прэзідэнт Віктар Януковіч», — дадаў ён.
Клічко заявіў, што апазіцыя патрабуе датэрміновых выбараў прэзідэнта і поўнай замены улады.
«Я звяртаюся да прэзідэнта Януковіча, падаць добраахвотна ў адстаўку, абвясціць датэрміновыя выбары. Не падзяляць лёс дыктатараў, якія назаўсёды збеглі са сваіх краін», — заявіў Клічко.
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках24
Каментары