Урад вызначыў месцы, дзе абавязкова мусіць весціся відэаназіранне
Урад Беларусі зацвердзіў крытэрыі аднясення аб'ектаў да ліку тых, якія падлягаюць абавязковаму абсталявання сродкамі сістэмы відэаназірання за станам грамадскай бяспекі.
Адпаведная пастанова № 1164, апублікаваная 5 студзеня на Нацыянальным прававым інтэрнэт -партале, уступіла ў сілу 1 студзеня 2014 года.
Дакумент прыняты на падставе загада Лукашэнкі ад 28 лістапада 2013 г. № 527 «Аб пытаннях стварэння і прымянення сістэмы відэаназірання ў інтарэсах забеспячэння грамадскага парадку».
Відэаназіранне ўводзіцца ў месцах правядзення масавых мерапрыемстваў, вызначаных мясцовымі выканаўчымі і распарадчымі органамі, а таксама на тых аб'ектах, дзе магчыма адначасовае знаходжанне 100 і больш чалавек.
Да аб'ектаў, якія падлягаюць абавязковаму абсталяванню сродкамі сістэмы відэаназірання, аднесены тыя, што ўяўляюць «павышаную тэхнагенную і экалагічную небяспеку, умоўна ўразлівыя ў дыверсійным дачыненні, у тым ліку тыя, дзе захоўваюцца і (або) эксплуатуюцца радыёнуклідныя крыніцы».
Відэаназіранне павінна абавязкова весціся таксама на наступных аб'ектах:
у стацыянарных гандлёвых, у тым ліку грамадскага харчавання і прыдарожнага сэрвісу; відовішчных (дыскатэкі, культурна-забаўляльныя (начныя) клубы); установах адукацыі і аховы здароўя, турыстычных; фізкультурна-спартыўных (100 і больш месцаў), а таксама ў гасцініцах і інтэрнатах.
Відэаназіранне
абавязковае на аўтамабільных дарогах на ўездзе ў Мінск, адміністрацыйныя цэнтры абласцей і раёнаў, гарадоў абласнога і раённага падпарадкавання і на выездах з іх.
Асобна прапісана абавязковае абсталяванне відэаназіраннем на аб'ектах метрапалітэна, аўтамабільнага, чыгуначнага, воднага і паветранага транспарту (аэрапорты, вакзалы, станцыі, стаянкі, пасадачныя платформы, вестыбюлі, тунэлі, пешаходныя шляхаправоды).
Яшчэ адной пастановай (№ 1163 ), якая таксама ўступіла ў сілу 1 студзеня, урад зацвердзіў палажэнне аб парадку прадастаўлення інфармацыі, зафіксаванай сістэмай відэаназірання за станам грамадскай бяспекі. Гэтым жа дакументам вызначаны памер платы за прадастаўленне відэаінфармацыі ў памеры адной базавай велічыні.
Цяпер чытаюць
Былы памочнік Лукашэнкі Ігар Брыло прызнаў, што набраў хабараў на $2 мільёны14
Каментары