На мінулай паралімпіядзе спартоўцы з абмежаванымі фізычнымі магчымасьцямі спаборнічалі толькі ў двух дысцыплінах. Цяпер наша краіна прадстаўленая ўжо ў сямі, і барацьба працягваецца.
«Калі беларускія спартоўцы ўпершыню выступілі на гульнях для спартоўцаў з абмежаванымі фізычнымі магчымасьцямі, то спаборнічалі яны толькі ў двух відах — плаваньні й лёгкай атлетыцы. А цяпер наша краіна прадстаўленая ўжо ў сямі дысцыплінах, — распавёў карэспандэнту агенцтва «Мінск‑Навіны» старшыня паралімпійскага камітэту Алег Шэпель. — Мы спрабуем уцягваць у актыўны лад жыцьця як мага больш інвалідаў, а для гэтага неабходна разьвіваць разнастайныя віды спорту, каб кожны мог сябе праявіць, зыходзячы з сваіх магчымасьцяў — гэта і ёсьць найлепшая сацыяльная і фізычная рэабілітацыя». Ужо цяпер заваяваныя ліцэнзіі ў такіх відах спорту як фэхтваньне, лёгкая атлетыка, плаваньне, паўэрліфтынг, веславаньне і роварны спорт. Барацьба за пуцёўкі працягнецца да 1 ліпеня 2008 году.
Каментары