У эканоміку Гродна ў 2014 годзе плануецца прыцягнуць $45 млн прамых замежных інвестыцый, што ў тры разы больш, чым у мінулым годзе, сказала намеснік старшыні Гродзенскага гарвыканкама Алена Агей, паведамляе s13.ru.
Так, літоўскі інвестар плануе пабудаваць у Гродне фірменны аўтацэнтр BMW. Ужо вызначаны ўчастак для будаўніцтва плошчай 1 га на выездзе на трасу М6.
Цікавасць да Гродна праявіла таксама кампанія «Макдональдс». Яна плануе пабудаваць у Гродне адзін-два рэстараны, цяпер прапрацоўваюцца пытанні размяшчэння аб'ектаў.
Рэстараны хуткага харчавання сеткі «Макдональдс» працуюць пакуль у Мінску.
Каментары