Сербская тэнісістка Ана Іванавіч у матчы чацвёртага кола турніру Australian Open абыграла першую ракетку свету Серэну Уільямс.
Першы сэт сустрэчы Іванавіч прайграла з лікам 4:6, аднак у дзвюх іншых партыях аказалася мацнейшай за Уільямс. Другі і трэці сэты завяршыліся з лікам 6:3 на карысць сербкі, якая займае 14-ы радок у рэйтынгу WTA.
26-гадовай Іванавіч удалося абыграць Серэну Уільямс упершыню за сваю больш чым дзесяцігадовую кар'еру ў прафесійным тэнісе.
Уільямс і Азаранка, якая ў 1/8 фіналу згуляе са Слоан Стывенс, маглі сустрэцца толькі ў фінале.
Серэна — самы нязручны супернік для беларускі, баланс іх сустрэчаў 3:14. Апошні раз Вікторыя прайграла Уільямс 4 студзеня ў фінале турніру ў Брысбэне 4 студзеня 2014 г.
Серэна перамагала на Australian Open у 2009 і 2010 гг., потым тры гады запар да фіналаў не дабіралася. У 2011 г. у фінале гулялі Кім Клійстэрс і Лі На — бельгійка тады перамагла.
А 2012 і 2013 г. былі гадамі трыумфу нашай Вікторыі. У 2012 г. у фінале яна перамагла Марыю Шарапаву — 6:3, 6:0, а год таму вырвала перамогу ў Лі На — 4:6, 6:4, 6:3.
Лі На, дарэчы, сёлета ў 1/4 фіналу ўжо выйшла, разграміўшы расіянку Кацярыну Макараву — 6:2, 6:0 (яна ідзе па сетцы Уільямс), а Марыя Шарапава ў 1/16 фіналу гуляе з Дамінікай Цыбулкавай.
Вікторыя і Марыя тэарэтычна могуць згуляць у паўфінале.
Цяпер чытаюць
Шакуючая страта года, таямнічыя знікненні, дыкпікі і дэпартацыі — асноўныя людзі і падзеі 2025 года3
Каментары