Sierbskaja tenisistka Ana Ivanavič u matčy čaćviortaha koła turniru Australian Open abyhrała pieršuju rakietku śvietu Sierenu Uiljams.
Pieršy set sustrečy Ivanavič prajhrała ź likam 4:6, adnak u dźviuch inšych partyjach akazałasia macniejšaj za Uiljams. Druhi i treci sety zaviaršylisia ź likam 6:3 na karyść sierbki, jakaja zajmaje 14-y radok u rejtynhu WTA.
26-hadovaj Ivanavič udałosia abyhrać Sierenu Uiljams upieršyniu za svaju bolš čym dziesiacihadovuju karjeru ŭ prafiesijnym tenisie.
Uiljams i Azaranka, jakaja ŭ 1/8 finału zhulaje sa Słoan Styviens, mahli sustrecca tolki ŭ finale.
Sierena — samy niazručny supiernik dla biełaruski, bałans ich sustrečaŭ 3:14. Apošni raz Viktoryja prajhrała Uiljams 4 studzienia ŭ finale turniru ŭ Brysbenie 4 studzienia 2014 h.
Sierena pieramahała na Australian Open u 2009 i 2010 hh., potym try hady zapar da finałaŭ nie dabirałasia. U 2011 h. u finale hulali Kim Klijsters i Li Na — bielhijka tady pieramahła.
A 2012 i 2013 h. byli hadami tryumfu našaj Viktoryi. U 2012 h. u finale jana pieramahła Maryju Šarapavu — 6:3, 6:0, a hod tamu vyrvała pieramohu ŭ Li Na — 4:6, 6:4, 6:3.
Li Na, darečy, sioleta ŭ 1/4 finału ŭžo vyjšła, razhramiŭšy rasijanku Kaciarynu Makaravu — 6:2, 6:0 (jana idzie pa sietcy Uiljams), a Maryja Šarapava ŭ 1/16 finału hulaje z Daminikaj Cybułkavaj.
Viktoryja i Maryja tearetyčna mohuć zhulać u paŭfinale.
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj77
Kamientary