Прадстаўнік Беларусі на міжнародным песенным конкурсе «Еўрабачанне-2014» Тэа выступіць у другой частцы другога паўфіналу, які адбудзецца ў Капенгагене (Данія) 8 мая, паведамляе БелТА са спасылкай на афіцыйны сайт форуму.
Размеркаванне краін-удзельніц адбылося падчас лёсавання. У першы паўфінал трапілі ўдзельнікі з 16 краін, у другі - з 15.
У першым паўфінале выступяць Швецыя, Албанія, Ісландыя, Расія, Латвія, Азербайджан, Арменія, Эстонія, Бельгія, Венгрыя, Малдова, Сан-Марына, Партугалія, Чарнагорыя, Украіна, Нідэрланды.
У другім паўфінале разам з прадстаўніком Беларусі праспяваюць ўдзельнікі з Нарвегіі, Ізраіля, Грузіі, Аўстрыі, Літвы, Польшчы, Мальты, Македоніі, Фінляндыі, Ірландыі, Румыніі, Славеніі, Грэцыі і Швейцарыі.
Аўтаматычна ў фінал прайшлі прадстаўнікі «Вялікай пяцёркі» - Іспаніі, Францыі, Германіі, Італіі і Вялікабрытаніі, а таксама краіна -пераможца мінулага конкурсу Даніі. Да іх далучацца яшчэ 20 дзяржаў — па 10 з кожнага паўфінала.
***
Беларусь удзельнічае ў Еўрабачанні з 2004 года, у фінал праходзіла тройчы (2007, 2010, 2013).
Першымі прадстаўнікамі краіны стаў дуэт «Alaksandra & Kanstancin», які выканаў песню «My Galileo». Краіна выступала ў паўфінале набрала 10 балаў і заняла 19 месца.
Самае высокае месца – 6-е ў 2007 г. (Хельсінкі, удзельнік Дзмітрый Калдун). Найгоршы выступ — 22-е месца ў 2006 (Афіны, Паліна Смолава, 22-е месца ў паўфінале).
Усе выступы:
2004 – «Аляксандра і Канстанцін» (паўфінал, 19-е месца, 10 балаў)
2005 – Анжаліка Агурбаш (паўфінал, 13-е месца, 57 балаў)
2006 – Паліна Смолава (паўфінал, 22-е месца, 10 балаў)
2007 – Дзмітрый Калдун (фінал, 6-е месца, 145 балаў)
2008 – Руслан Аляхно (паўфінал, 17-е месца, 27 балаў)
2009 – Пётр Ялфімаў (паўфінал, 13-е месца, 25 балаў)
2010 – праект 3+2 (фінал, 24-е месца, 18 балаў)
2011 – Анастасія Віннікава (паўфінал, 14-е месца, 45 балаў)
2012 – Litesound (паўфінал, 16-е месца, 35 балаў)
2013 – Алёна Ланская (фінал, 16-е месца, 48 балаў)
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення14
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher44
Каментары