Pradstaŭnik Biełarusi na mižnarodnym piesiennym konkursie «Jeŭrabačańnie-2014» Tea vystupić u druhoj častcy druhoha paŭfinału, jaki adbudziecca ŭ Kapienhahienie (Danija) 8 maja, paviedamlaje BiełTA sa spasyłkaj na aficyjny sajt forumu.
Raźmierkavańnie krain-udzielnic adbyłosia padčas losavańnia. U pieršy paŭfinał trapili ŭdzielniki z 16 krain, u druhi - z 15.
U pieršym paŭfinale vystupiać Šviecyja, Ałbanija, Isłandyja, Rasija, Łatvija, Azierbajdžan, Armienija, Estonija, Bielhija, Vienhryja, Małdova, San-Maryna, Partuhalija, Čarnahoryja, Ukraina, Niderłandy.
U druhim paŭfinale razam z pradstaŭnikom Biełarusi praśpiavajuć ŭdzielniki z Narviehii, Izraila, Hruzii, Aŭstryi, Litvy, Polščy, Malty, Makiedonii, Finlandyi, Irłandyi, Rumynii, Słavienii, Hrecyi i Šviejcaryi.
Aŭtamatyčna ŭ finał prajšli pradstaŭniki «Vialikaj piaciorki» - Ispanii, Francyi, Hiermanii, Italii i Vialikabrytanii, a taksama kraina -pieramožca minułaha konkursu Danii. Da ich dałučacca jašče 20 dziaržaŭ — pa 10 z kožnaha paŭfinała.
***
Biełaruś udzielničaje ŭ Jeŭrabačańni z 2004 hoda, u finał prachodziła trojčy (2007, 2010, 2013).
Pieršymi pradstaŭnikami krainy staŭ duet «Alaksandra & Kanstancin», jaki vykanaŭ pieśniu «My Galileo». Kraina vystupała ŭ paŭfinale nabrała 10 bałaŭ i zaniała 19 miesca.
Samaje vysokaje miesca – 6-je ŭ 2007 h. (Chielsinki, udzielnik Dźmitryj Kałdun). Najhoršy vystup — 22-je miesca ŭ 2006 (Afiny, Palina Smołava, 22-je miesca ŭ paŭfinale).
Usie vystupy:
2004 – «Alaksandra i Kanstancin» (paŭfinał, 19-je miesca, 10 bałaŭ)
2005 – Anžalika Ahurbaš (paŭfinał, 13-je miesca, 57 bałaŭ)
2006 – Palina Smołava (paŭfinał, 22-je miesca, 10 bałaŭ)
2007 – Dźmitryj Kałdun (finał, 6-je miesca, 145 bałaŭ)
2008 – Rusłan Alachno (paŭfinał, 17-je miesca, 27 bałaŭ)
2009 – Piotr Jałfimaŭ (paŭfinał, 13-je miesca, 25 bałaŭ)
2010 – prajekt 3+2 (finał, 24-je miesca, 18 bałaŭ)
2011 – Anastasija Vińnikava (paŭfinał, 14-je miesca, 45 bałaŭ)
2012 – Litesound (paŭfinał, 16-je miesca, 35 bałaŭ)
2013 – Alona Łanskaja (finał, 16-je miesca, 48 bałaŭ)
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary