Пра гэта паведаміў міністр транспарту і камунікацый Беларусі Анатоль Сівак.
«Праект па стварэнні чыгуначнага злучэння з Нацыянальным аэрапортам Мінск распрацаваны, канцэпцыя ўзгоднена ва ўрадзе. Праца вядзецца, і мы паставілі сабе задачу закрыць гэта пытанне 7 лістапада», — сказаў міністр.
Спецыялісты Міністэрства транспарту і камунікацый ўдакладнілі, што на першым этапе будзе арганізаваны рух па наяўнай чыгуначнай лініі на сучасных дызель-цягніках. Існуючы чыгуначны шлях будзе падоўжаны амаль да самага аэрапорта.
Пазасталыя 550 м да аэрапорта пасажыры змогуць пераадолець на спецыялізаваных аўтобусах з нізкай падлогай або пры дапамозе травалатара (бесступенькавая дарожка).
Пасля рэалізацыі першага этапу праекта дастаўляць пасажыраў і абслугоўваючы персанал у Нацыянальны аэрапорт Мінск мяркуецца з Мінска, Барысава і Смалявічаў. Пасля плануецца пабудаваць з'езд з цяперашніх чыгуначных шляхоў і электрыфікацыя ўсяго ўчастка да аэрапорта.
Каментары