Мінск не атрымае да чэмпіянату свету па хакеі, які стартуе 1 мая, гатэля, які на праспекце Пераможцаў абавязаўся пабудаваць нібыта кіпрскі інвестар пад назвай «Galleria Concept BLR Limited».
З дзяржаўнага рашэння аб будаўніцтве гэтага шматфункцыянальнага гандлёва-забаўляльнага комплексу з гатэлем і паркінгам Лукашэнка сваім указам №101 ад 28 лютага 2014 г. выдаліў усе адсылкі на ЧС па хакеі, а таксама тэрміны заканчэння будаўніцтва з выразным указаннем даты кшталту «да 1 мая 2014 года».
Няздольнасць інвестара скончыць будаўніцтва аб'екта на адным з ключавых праспектаў Мінска абумоўленая, мяркуючы па ўсім, адсутнасцю грошай. Заканчваць будаўніцтва інвестар будзе за кошт фінансавання, прадстаўленага беларускай дачкой Ашчадбанка РФ.
«Заказчык мае права перадаваць у залог (іпатэку) ААТ «БПС-Ашчадбанк» і ААТ «Ашчадбанк Расіі» аб'екты (правы на іх), якія ўваходзяць у склад комплексу, у тым ліку якія паступяць заказчыку ў будучыні і на дату заключэння дамовы аб iпатэцы не лічацца створанымі ў адпаведнасці з заканадаўствам, а таксама права арэнды зямельнага ўчастка, на якім размешчаныя гэтыя аб'екты, без ўнясення платы за права заключэння дамовы арэнды зямельнага ўчастка», — гаворыцца ў дакуменце.
Цяпер чытаюць
Бацька са Слуцка папрасіў дзяржаву забраць яго дзяцей дзеля аднаўлення маральных сіл1
Каментары