МГА «Гісторыка» шукае валантэра — каардынатара летніка ў Міры. А таксама валантэраў-памочнікаў каардынатара.
Ужо зараз мы рыхтуемся да актыўнага летняга сезону, каб правесці яго з максімальным плёнам і для сябе, і для Беларусі. І сёння ў вас ёсць цудоўная магчымасць далучыцца не толькі да летніх мерапрыемстваў арганізацыі, але і да іх арганізацыйнай і палявой «кухні».
Што ўжо вядома пра летнік?
- ён будзе прысвечаны прыборцы і каталагізацыі Мірскіх каталіцкіх могілак (прыкладна 19 ст.)
- ён дакладна будзе.
- час правядзення (22 чэрвеня - 6 ліпеня або 29-13 адпаведна).
- прыкладная колькасць удзельнікаў +- 15 чалавек.
Патрабаванні да каардынатара:
- старэйшы за 18 год
- абавязковасць і пунктуальнасць
- магчымасць прысутнічаць на летніку на працягу ўсяго тэрміна яго правядзення
Прыкладныя абавязкі:
- падрыхтоўчы этап (падрыхтоўка інфраструктуры, распаўсюд інфармацыі пра летнік, планаванне выдаткаў, адбор удзельнікаў і інш.)
- праца на самім летніку (размяшчэнне ўдзельнікаў, арганізацыя харчавання, арганізацыя працы і вечаровага адпачынку)
- завяршальны этап (падсумаванне, збор і абмен фотаздымкамі і г.д.)
Што вы атрымаеце ў выніку:
- новых сяброў
- маральнае задавальненне ад добра зробленай справы
- плённы ўнёсак у беларускую некрапалістыку
- дармовы курс тайм-мэнаджманту
- каштоўны кіраўнічы і камунікацыйны досвед, які прыдасца не толькі ў грамадскіх справах
Увага! На працягу ўсяго тэрміну на летніку будзуць прысутнічаць вопытныя сябры МГА «Гісторыка», і вы ні ў якім разе не застанецеся без падтрымкі дасведчанага паплечніка!
Калі вас зацікавіла прапанова МГА «Гісторыка», калі ласка, дасылайце кароткую інфармацыю пра сябе на адрас [email protected]. Тут жа можна задаць усе пытанні.
Каментары