— Украінскія узброеныя сілы прыведзеныя ў поўную баявую гатоўнасць, аднак сітуацыя ў войску складаная, — сказаў в.а. міністра абароны Украіны Ігар Тэнюх. - Нашы узброеныя сілы знаходзяцца на палігонах на ўсходнім і паўднёвым кірунках згодна з планамі, але вынікі нездавальняючыя, — цытуе Gazeta.pl заяву, якую Тэнюх зрабіў з трыбуны парламента ў Кіеве.
Па словах міністра, у Сухапутных войсках з іх 41 000 вайскоўцаў у пастаяннай баявой гатоўнасці павінны быць 20 000, але гатовы да неадкладных дзеянняў толькі 6000 вайскоўцаў.
Тэнюх адзначыў, што дэ-юрэ адкрытай агрэсіі Расіі ва Украіне няма, бо кіраўніцтва РФ не прызнае датычнасці сваіх войскаў да падзеяў у Крыме.
«Любыя актыўныя дзеянні Узброеных сіл Украіны адносна стабілізацыі сітуацыі ў Крыме будуць прадстаўлены сусветнай супольнасці як прымяненне сілы супраць уласнага насельніцтва», — мяркуе ён.
Кіраўнік Мінабароны таксама нагадаў, што Украіна раней не разглядала магчымасці ваеннай пагрозы з боку Расеі і таму не гатовая да яе.
«Таму, калі казаць аб паспяховым прымяненні Узброеных сіл Украіны супраць такога суперніка, то гаворка ідзе пра верагоднасць значных выдаткаў дзяржаўных рэсурсаў на іх разгортванне і доўгі час іх падрыхтоўкі і аснашчэння», — цытуе Тэнюха агенцтва УНІАН.
Ён таксама адзначыў, што ва Узброеных сілах Расеі, якія праводзяць вучэнні каля ўсходніх межаў Украіны і ў Крыме, разгорнутая групоўка войскаў колькасцю 220 тыс. чал, а таксама 1800 танкаў, больш за 400 верталётаў.
«Гэтая групоўка ў некалькі разоў перавышае Узброеныя сілы Украіны», — дадаў ён.
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі6
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары