У Мінску актывістку аргкамітэта па стварэнні партыі «Беларуская хрысціянская дэмакратыя», назіральніцу кампаніі «Права выбару» Валерыю Чарнаморцаву пазбавілі акрэдытацыі на выбарчым участку № 25 Лагойскай акругі № 44.
У пятніцу яна напісала скаргу, што да сябраў участковай камісіі падыйшла камендант інтэрната (пра яе пасаду заявілі самі сябры камісіі) і зверылася са спісамі тых, хто прагаласаваў. Праз паўгадзіны пасля гэтага на ўчастак пайшлі галасаваць насельнікі інтэрната.
Апроч таго, у пятніцу Валерыя Чарнаморцава сфатаграфавала выбарчую скрыню. Ад яе запатрабавалі выдаліць фатаздымкі.
Раніцай у нядзелю назіральніцы паведамілі пра пазбаўленне яе акрэдытацыі за тое, што «яна знаходзілася каля выбарчай скрыні, умешвалася ў працу камісіі і вяла несанкцыянаваныя фота- і відэаздымкі». Што тычыцца адказу на скаргу, то ў камісіі напісалі, што нікога пабочнага на ўчастку не было, толькі сябры камісіі, выбаршчыкі і назіральнікі.
-
«І я пацалую табе руку, калі будуць курчыцца Фукуяма, Леві і Кісінджэр». Як Азаронак фліртаваў з Дугінай
-
Сяргей узяў грошы за кантракт і пайшоў здавацца ў палон пры першай магчымасці. Пакручасты лёс беларуса, які падпісаўся ваяваць за Расію
-
Палітзняволенай фатографцы Наталлі Бачурынскай змякчылі прысуд. Яе выпусцілі на волю
Цяпер чытаюць
Сяргей узяў грошы за кантракт і пайшоў здавацца ў палон пры першай магчымасці. Пакручасты лёс беларуса, які падпісаўся ваяваць за Расію7
Каментары