96 гадоў таму, 25 сакавіка 1918 г., а 8-й раніцы ў акупаваным немцамі Мінску, ў будынку па адрасе Серпухаўская, 9 (сённяшняя Валадарскага, 9) была абвешчана незалежнасць Беларускай Народнай Рэспублікі.
Гэта падзея мела вялікае значэнне. У адказ бальшавікі вымушаныя былі стварыць БССР, і кола гісторыі заварушылася.
Праз 73 гады, у 1991 годзе, незалежнасць стала рэальнасцю.
Першы Дзень Волі адзначаўся ў Менску ўжо ў 1920 г., яго масава адзначала моладзь у Заходняй Беларусі ў 1920-1930-я гады, 25 Сакавіка было галоўным святам на эміграцыі.
У сучаснай Беларусі дэмакратычная грамадскасць традыцыйна ладзіць у гэты дзень шэсце і мітынг.
Цяпер Дзень Волі адзначаецца ў фармаце шэсця ад кінатэатра «Кастрычнік» да Парка Дружбы народаў.
Сёння, у аўторак, збор удзельнікаў акцыі пачнецца а 18.00 каля кінатэатра «Кастрычнік» (станцыя метро «Акадэмія навук»), затым адбудзецца шэсце па праспекце Незалежнасці і вуліцы Сурганава да парку Дружбы Народаў, дзе з 19.30 да 20.00 павінен прайсці мітынг. Арганізатары заклікалі прыносіць украінскія сцягі, у знак салідарнасці з братнім народам.
У Вільні на 25 сакавіка запланаваныя тры ўрачыстасці.
З 12:00 да 12:30 адбудзецца ўскладанне кветак падпісантам Акта Незалежнасці Беларускай Народнай Рэспублікі 25 сакавіка 1918 года на могілках Росы.
У Сойме Літоўскай Рэспублікі адбудзецца дыскусія «Дзень Волі ў Беларусі. Цяперашняя сітуацыя, чаканне перспектывы». Час і месца: 14:00 – 16:00, Сойм Літоўскай Рэспублікі (Gedimino pr. 53), зала для прэс-канферэнцый.
Вечарам — святочны канцэрт Паліны Рэспублікі і выступ студэнтаў ЕГУ у межах праекта «Belarusian Dream Theatre». Час і месца: 18:30 – 20:00, Užupio kavinė (Užupio g. 2).
Са Святам, чытачы!
У загінулай у Сляпянцы дзяўчыне апазналі Яну Кастранкову2
Каментары