«Белтэлекам» плануе ў чэрвені правесці мерапрыемствы па барацьбе са спам-рассылкай
РУП «Белтэлекам» плануе ў чэрвені правесці мерапрыемствы, скіраваныя на мінімізацыю рассылак спам-паведамленняў з тэрыторыі Беларусі. Звязана гэта з вялікай колькасцю спаму, які адпраўляецца, часта без ведама абанентаў, з заражаных вірусамі камп'ютараў.
У прыватнасці, як паведамляе «Белтэлекам», «для абанентаў, ад якіх будзе зафіксавана спам-рассылка, будзе закрыта магчымасць адпраўкі электронных паведамленняў па пратаколе SMTP праз 25-ы порт паштовага кліента».
«Белтэлекам» прапануе абанентам праверыць свае камп'ютары на наяўнасць вірусаў і траянскіх праграм, а пры іх выяўленні правесці лячэнне або выдаленне заражаных аб'ектаў.
Карыстальнікам паштовых кліентаў (Outlook Express, The Bat, Thunderbird і да т.п.), у выпадку ўзнікнення праблем з адпраўкай паштовых паведамленняў, рэкамендуецца ўказаць у настройках паштовай праграмы абароненыя версіі пратакола SMTP (порты 587 і 465), калі працу з гэтымі портамі падтрымлівае паштовы сервер, які выкарыстоўваецца.
У паведамленні «Белтэлекама» таксама гаворыцца, што ўладальнікаў электронных паштовых скрыняў на рэсурсах gmail.com, mail.ru і т.п., гэтыя мерапрыемствы не закрануць.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню45
Каментары