Канцлер Германіі Ангела Меркель заклікае ўвесці супраць Расіі «значныя эканамічныя санкцыі» з-за сітуацыі ва Украіне. Паводле яе слоў, зрабіць гэта трэба «як мага хутчэй».
Пры гэтым канцлер не падтрымлівае ідэю адмены права Расіі на правядзенне Чэмпіянату свету па футболе ў 2018 годзе. Пайсці на такі крок заклікаюць сябры блока ўмераных кансерватараў, у які ўваходзіць і сама Меркель, паведамляе BBC Украіна
Пазбаўленне Расіі Чэмпіянату свету па футболе прынясе значна больш адчувальны вынік, чым эканамічныя санкцыі, заявіў Міхаэль Фухс, аднапартыец нямецкага канцлера.
«ФІФА варта падумаць, ці зможа Масква стаць належнай гаспадыняй турніру, калі яна не можа нават гарантаваць бяспеку авіяліній», — распавёў Міхаэль Фухс у інтэрв'ю выданню Handelsblatt.
Таксама ён дадаў, што пры неабходнасці мундыяль можна правесці ў Германіі ці Францыі. Увядзенне эканамічных санкцый стала б няпростай задачай з-за вялікіх межаў Расіі, якія занадта «дзіравыя» для эфектыўнага спынення імпарту, перакананы нямецкі палітык.
Улады Украіны і краіны Захаду перакананыя, што малазійскі «Боінг» збілі ракетай, якую выпусцілі з падкантрольнага сепаратыстам раёна так званай «Данецкай народнай рэспублікі».
Футбольныя асацыяцыі Нідэрландаў і Вялікабрытаніі лічаць, што не трэба прымаць паспешныя рашэнні, а варта дачакацца высноў расследавання прычын катастрофы малазійскага «Боінга».
Спадарыня Меркель лічыць, што дзейнічаць трэба вельмі аператыўна. «Паколькі Расія не праявіла ніякай цікавасці ў расследаванні аварыі самалёта, канцлер лічыць, што трэба прымаць рашэнні хутка», — распавёў афіцыйны прадстаўнік спадарыні Меркель.
Прадстаўнік МЗС Германіі таксама адзначыў, што Масква не прыкладае дастатковых намаганняў па гэтым пытанні.
Цяпер чытаюць
Някляеў апублікаваў злабадзённы верш. У ім згадваецца і Калеснікава з Бабарыкам, і Ціханоўская, і Пракоп'еў з Пазняком26
Каментары