Kancler Hiermanii Anhieła Mierkiel zaklikaje ŭvieści suprać Rasii «značnyja ekanamičnyja sankcyi» z-za situacyi va Ukrainie. Pavodle jaje słoŭ, zrabić heta treba «jak maha chutčej».
Pry hetym kancler nie padtrymlivaje ideju admieny prava Rasii na praviadzieńnie Čempijanatu śvietu pa futbole ŭ 2018 hodzie. Pajści na taki krok zaklikajuć siabry błoka ŭmieranych kansiervataraŭ, u jaki ŭvachodzić i sama Mierkiel, paviedamlaje BBC Ukraina
Pazbaŭleńnie Rasii Čempijanatu śvietu pa futbole pryniasie značna bolš adčuvalny vynik, čym ekanamičnyja sankcyi, zajaviŭ Michael Fuchs, adnapartyjec niamieckaha kanclera.
«FIFA varta padumać, ci zmoža Maskva stać naležnaj haspadyniaj turniru, kali jana nie moža navat harantavać biaśpieku avijalinij», — raspavioŭ Michael Fuchs u intervju vydańniu Handelsblatt.
Taksama jon dadaŭ, što pry nieabchodnaści mundyjal možna pravieści ŭ Hiermanii ci Francyi. Uviadzieńnie ekanamičnych sankcyj stała b niaprostaj zadačaj z-za vialikich miežaŭ Rasii, jakija zanadta «dziravyja» dla efiektyŭnaha spynieńnia impartu, pierakanany niamiecki palityk.
Ułady Ukrainy i krainy Zachadu pierakananyja, što małazijski «Boinh» źbili rakietaj, jakuju vypuścili z padkantrolnaha sieparatystam rajona tak zvanaj «Danieckaj narodnaj respubliki».
Futbolnyja asacyjacyi Niderłandaŭ i Vialikabrytanii ličać, što nie treba prymać paśpiešnyja rašeńni, a varta dačakacca vysnoŭ rasśledavańnia pryčyn katastrofy małazijskaha «Boinha».
Spadarynia Mierkiel ličyć, što dziejničać treba vielmi apieratyŭna. «Pakolki Rasija nie prajaviła nijakaj cikavaści ŭ rasśledavańni avaryi samalota, kancler ličyć, što treba prymać rašeńni chutka», — raspavioŭ aficyjny pradstaŭnik spadaryni Mierkiel.
Pradstaŭnik MZS Hiermanii taksama adznačyŭ, što Maskva nie prykładaje dastatkovych namahańniaŭ pa hetym pytańni.
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii36
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary