Грамадства11

Мінадукацыі просіць бацькоў не ствараць ажыятаж вакол падрыхтоўкі да навучальнага года

Міністэрства адукацыі Беларусі звяртаецца да бацькоў з просьбай не ствараць ажыятаж вакол падрыхтоўкі да школьнага сезона. Аб гэтым заявіў сёння намеснік міністра адукацыі Васіль Будкевіч, наведваючы магазіны Мінска і сталічнага рэгіёна і знаёмячыся з арганізацыяй гандлю школьнымі таварамі.

«Мы звяртаемся да бацькоў і просім не ствараць ажыятаж, таму што нейкага дэфіцыту няма. Спакойна купляем, адзяваем, рыхтуем вучняў да школы», — сказаў Васіль Будкевіч.

Паводле яго слоў, Мінадукацыі па-ранейшаму падтрымлівае дзелавы стыль адзення для школьнікаў. «Мы лічым, што цяпер вучыць і выхоўвае не толькі настаўнік, не толькі вучэбныя прадметы, але і тое адзенне, якое носяць нашы дзеці. Яно павінна быць зручнае, камфортнае, адпавядаць усім сучасным патрабаванням. Тое, што сёння так шырока прадстаўлена прадукцыя менавіта беларускіх прадпрыемстваў, нас вельмі радуе», — падкрэсліў намеснік міністра.

Таксама Васіль Будкевіч адзначыў новыя формы работы з пакупнікамі, якія прапануюць гандлёвыя аб'екты. «Гэта вельмі важна, калі ёсць пэўная сістэма скідак, бонусаў, праводзяцца латарэі для таго, каб падтрымаць і прывабіць кліента», — лічыць ён.

Так, у мэтах аказання падтрымкі насельніцтву гандлёвыя арганізацыі праводзяць розныя акцыі сацыяльнай накіраванасці, якія прадугледжваюць продаж тавараў школьнага асартыменту ў растэрміноўку і крэдыт, прадастаўленне скідак шматдзетным сем'ям, сем'ям, якія выхоўваюць дзяцей-інвалідаў, адзінокім маці і іншым ільготным катэгорыям. Па рэкамендацыі Міністэрства гандлю прымяняюцца мінімальныя гандлёвыя надбаўкі, дзякуючы чаму зніжаюцца цэны. Таксама пры куплі тавараў школьнага асартыменту ўручаюць падарункі і прызы.

«Вытворцы ўсё больш і больш прыслухоўваюцца не толькі да меркавання прафесіяналаў, але і да нас, так скажам, не спецыялістаў. Мы гаворым пра тое, што павінна быць больш натуральных тканін, што трэба разнастаіць колеравую гаму. Пры гэтым хачу адзначыць сапраўды вялікае прапанаванне, прычым не толькі ў дзяржаўным гандлі, але і ў цэлым», — адзначыў Васіль Будкевіч.

Усяго ў гэтым годзе асартыментныя калекцыі адзення для дзяўчынак налічваюць больш як 260 мадэлей (камплекты і сарафаны, сукенкі, штаны і спадніцы, пінжакі і камізэлькі), для хлопчыкаў — 220 мадэлей (касцюмы і камплекты, пінжакі і камізэлькі, штаны і кашулі).

 

Каментары1

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Мы чакалі Полк Каліноўскага, каб вызваліў нас». Палітвязень патлумачыў, чаму папрасіў аб памілаванні1

«Мы чакалі Полк Каліноўскага, каб вызваліў нас». Палітвязень патлумачыў, чаму папрасіў аб памілаванні

Усе навіны →
Усе навіны

Як перажыць спёку?10

Далай-лама прыдумаў, як вызначыць сабе намесніка і абхітрыць Кітай2

У Вільні будуць шукаць магілу Вітаўта. Пошукі, якія праводзіліся стагоддзе таму, прывялі да вялікіх адкрыццяў, але мэты не дасягнулі10

Сталіца Паўднёвай Карэі перажывае нашэсце чорных жукоў2

Украінскія палярнікі зрабілі незвычайнае ФОТА цюленя, які адпачывае на крызе1

Украінскі вайсковец знайшоў каля беларускай мяжы зубы маманта1

У цэнтры Масквы выбухнуў аўтамабіль з ветэранамі ФСБ3

«Давялося сыр на касе пакінуць». Як беларусы рэагуюць на ноу-хау з падвойнай маркіроўкай тавараў5

«Хочацца, каб мы жылі не з нуля». Уладальнік сядзібы Горватаў расказаў пра рэстаўрацыю, захаваныя каштоўнасці і «Белую пані Нароўлі»2

больш чытаных навін
больш лайканых навін

«Мы чакалі Полк Каліноўскага, каб вызваліў нас». Палітвязень патлумачыў, чаму папрасіў аб памілаванні1

«Мы чакалі Полк Каліноўскага, каб вызваліў нас». Палітвязень патлумачыў, чаму папрасіў аб памілаванні

Галоўнае
Усе навіны →

Заўвага:

 

 

 

 

Закрыць Паведаміць