У Ровенскай вобласці адбыўся канфлікт пасля закліку святара маліцца за Пуціна і «рускае войска»
У сяле Хадасы Ровенскай вобласці падчас прастольнага свята ў храме, які падпарадкаваны Маскоўскаму патрыярхату, запрошаны з суседняга сяла бацюшка пачаў маліцца за Пуціна і «рускае войска».
Пасля гэтых слоў вялікая частка прыхаджан выйшлі з царквы. А праз некалькі дзён яны стварылі прыход Кіеўскага патрыярхата.
Як паведамляе Цензор.НЕТ са спасылкай на Радыё «Свобода», у суботу, 20 верасня, унутры гэтай царквы замкнуліся тыя парафіяне, якія засталіся ў Маскоўскім Патрыярхаце. Адзін з іх ужыў газавы балон да людзей, якія спрабавалі адчыніць дзверы. Мужчыну затрымалі, факт зафіксавалі ў міліцыі.
З інцыдэнтам вакол царкоўнага будынка разбіраюцца праваахоўнікі.
Святар, які да гэтага часу быў настаяцелем гэтага храма, запэўнівае, што сам ніколі не маліўся за Пуціна, таму што лічыць яго прычынай няшчасцяў Украіны.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»31
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары