Любімы многімі акцёр, народны артыст СССР Алег Басілашвілі адзначае 80-годдзе. Гэты дзень Алег Валяр'янавіча сустрэне ў родным Вялікім драматычным тэатры імя Георгія Таўстаногава.
Басілашвілі — проста майстар пераўвасаблення, ён ствараў і працягвае ствараць зусім розныя вобразы — як станоўчыя, так і адмоўныя, хоць сам народны артыст, які сыграў толькі ў тэатры больш за 70 роляў, прызнаецца, што такога падзелу не робіць. Самахвалаў са «Службовага рамана», Бузыкін з «Восеньскага марафону», Рабінін з «Вакзала для дваіх», Воланд з «Майстра і Маргарыты» — спіс зорных і характэрных роляў можна працягваць бясконца.
Тэатрам Алег Валяр'янавіч «захварэў» яшчэ ў дзяцінстве. Са школы, дзе не ладзіліся справы з дакладнымі навукамі, будучы артыст збягаў у Мастацкі тэатр. Менавіта таму, калі Алег паступіў у школу-студыю МХАТ, такі выбар нікога не здзівіў.
Дзякуючы Таццяне Даронінай, з якой Басілашвілі ажаніўся яшчэ як студэнт, маладога чалавека прынялі ў трупу ленінградскага Вялікага драматычнага тэатра ім. Горкага. Але пражыўшы восем гадоў, муж і жонка развяліся, Дароніна з'ехала ў Маскву, а Басілашвілі застаўся. І ўжо з другой паловы 1960-х гадоў стаў адным з вядучых актораў тэатра.
У кіно Алег Басілашвілі дэбютаваў ў 1956 годзе з роляй Андрэя Андрэевіча ў фільме «Нявеста». Але зорнымі сталі канец 70-х — пачатак 80-х гадоў, калі народную славу акцёру прынеслі ролі ў фільмах Эльдара Разанава («Службовы раман», «Вакзал для дваіх») і Георгія Данелія («Восеньскі марафон»).
Дарэчы, на сцэне БДТ Алег Валяр'янавіч тройчы адыграў у пастаноўках вядомага беларускага рэжысёра Мікалая Пінігіна. Стварыў яркія вобразы ў спектаклях «Каліфарнійская сюіта», «Касцюмер» і «Квартэт».
Алег Басілашвілі узнагароджаны ордэнам «За заслугі перад Айчынай» 3, 4 ступені, ордэнам «Дружбы», ордэнам «Працоўнага Чырвонага Сцяга», ордэнам «Міра». Ён носіць званні заслужанага артыста РСФСР, народнага артыста РСФСР і СССР, з'яўляецца ганаровым членам Расійскай акадэміі мастацтваў, ганаровым грамадзянінам Тбілісі і Санкт-Пецярбурга. Уладальнік Дзяржпрэміі РСФСР імя братоў Васільевых.
Глядзіце таксама: Басілашвілі пра падзеі ва Украіне: Расія цяпер мае ворага на ўсе стагоддзі
Цяпер чытаюць
«Калаўра мы не пакрыўдзілі»: стала вядома пра новае месца працы былога старшыні Нацбанка6
Каментары