Міліцыянты знайшлі ў Магілёўскім раёне 17-гадовага магілёўца Уладзіслава Башарымава, які ўцёк са спецвучылішча.
Пра гэта паведамілі ў аддзяленні інфармацыі і грамадскіх сувязей УУС Магілёўскага аблвыканкама.
З 32 двух падлеткаў, якія 26 верасня прыкладна ў 18.05 самавольна пакінулі размяшчэнне УА «Магілёўскае дзяржаўнае спецыяльнае прафесійна-тэхнічнае вучылішча №2 дрэваапрацоўкі», 30 вернутыя ва ўстанову адукацыі. Вышук яшчэ дваіх падлеткаў — 17-гадовага мінчука Уладзіслава Лагуна і 16-гадовага віцябляніна Валянціна Харытонава — працягваецца.
Паводле інфармацыі аддзела вышуковай працы УУР УУС Магілёўскага аблвыканкама, у выніку першапачатковых аператыўна-вышуковых мерапрыемстваў устаноўлена, што 26 верасня падчас перапынку паміж урокамі падлеткі самавольна пакінулі размяшчэнне спецвучылішча праз цэнтральны КПП і ўязную браму.
Неадкладна па сігнале «Збор» быў узняты асабовы склад Магілёўскага гарнізона, на тэрыторыі сямі раёнаў вобласці ўведзены план «Перахоп», арыентаваны асабовы склад органаў і падраздзяленняў унутраных спраў вобласці, арганізавана правядзенне пошукавых мерапрыемстваў мабільнымі і пешымі групамі.
У выніку аператыўных і прафесійных дзеянняў супрацоўнікаў АУС у самыя кароткія тэрміны падлеткі былі знойдзеныя: большасць ўвечары 26 верасня ў Магілёве, затым 27 верасня — двое ў Магілёве, трое — у Магілёўскім раёне, чацвёра — у Гомелі і адзін — 29 верасня ў Магілёўскім раёне. У ходзе апытання выхаванцаў выяўлена, што некаторыя з іх хацелі вярнуцца дадому, а асноўная частка вырашыла здзейсніць уцёкі са спецвучылішча №2 спантанна, пабачыўшы, як іншыя выхаванцы пабеглі да выхаду.
Праваахоўнікі звяртаюцца з просьбай да ўсіх, хто мае звесткі аб двух падлетках, якія знаходзяцца ў вышуку, неадкладна паведаміць у бліжэйшы АУС або па тэлефоне 102.
Цяпер чытаюць
Стала вядома, што за 200 тысяч еўра прапаноўвалі Сяргею Ціханоўскаму «беларускія бізнэсмены»27
Каментары