Наступная аперацыйная сістэма Microsoft будзе называцца Windows 10
Наступная версія аперацыйнай сістэмы ад Microsoft будзе называцца Windows 10. Пра гэта паведамілі ў аўторак прадстаўнікі гэтай амерыканскай кампаніі на сустрэчы з журналістамі ў Сан-Францыска.
На ёй было, у прыватнасці, заяўлена, што распрацоўшчыкі новай АС вырашылі «пераскочыць» дзевятую версію прадукта і выкарыстоўваць напрацоўкі, якія рыхтаваліся для яе, у новым варыянце сістэмы. Як удакладняецца, у ім будуць адноўленыя некаторыя ранейшыя, якія сталі ўжо традыцыйнымі, функцыі, што адсутнічалі ў папярэдняй АС Windows 8, што выклікала незадаволенасць карыстальнікаў.
У Microsoft улічылі гэтыя пажаданні і запэўнілі карыстальнікаў у тым, што пры працы з новай версіяй сістэмы ў іх не будзе праблем, незалежна ад таго, якой АС Windows яны карыстаюцца ў цяперашні час. Больш падрабязна навінка будзе прадстаўлена пазней, паведамілі ў кампаніі.
Напярэдадні сустрэчы яе арганізатары падкрэслілі, што гэта будзе «сціплай падзеяй» без буйных прэзентацый. «Гэта хутчэй шанец для кампаніі даць карыстальнікам Windows інфармацыю аб пераменах, што адбываюцца ў ёй», — гаворыцца ў распаўсюджанай заяве Microsoft.
-
Фальсіфікацыі ў даследаваннях хваробы Альцгеймера. Як вынікі прывялі не туды
-
Беларускія вучоныя пахваліліся папяровымі кубачкамі, вырабленымі па новай тэхналогіі. Такія то рабілі даўно, але нашы дадалі іншае рэчыва
-
«Гэтая партыя прайграная». Беларускія даследчыкі — пра тое, у што ператварылася Акадэмія навук
Што за 17-гадовы стартапер, які выліў цэбар хлусні на Лібера на радасць беларускім спецслужбам7
Каментары