Давыдзька: У Беларусі ніколі не пойдуць на забарону расійскіх тэлеканалаў
Ва Украіне дарэмна забараняюць расійскія тэлеканалы, мяркуе старшыня «Белтэлерадыёкампаніі» Генадзь Давыдзька.
Такое меркаванне ён выказаў 9 кастрычніка перад сустрэчай з актывам БРСМ, адказваючы на пытанні журналістаў.
«Гэта бесталковая прапанова, — лічыць Давыдзька. — Мы цяпер жывем у часы такой інфармацыйнай прасторы, што забараняць што-небудзь бессэнсоўна, бо ўсё можна паглядзець у інтэрнэце».
У Беларусі, на яго думку, ніколі не пойдуць на падобны крок.
Нагадаем, у жніўні 14 расійскіх тэлеканалаў, якія палічылі вінаватымі ў прапагандзе вайны на тэрыторыі Украіны, па загадзе ўкраінскага МУС унеслі ў спіс забароненых. Трансляцыі пазбавілі «Первый канал. Всемирная сеть», «РТР-Планета», «Россия 24», «НТВ-Мир», ТVCI (ТВ Центр), «Россия 1», «НТВ», «ТНТ», «Петербург 5», «Звезда», «РЕН-ТВ», Life News, Russia Today і «РБК-ТВ».
У загінулай у Сляпянцы дзяўчыне апазналі Яну Кастранкову2
Каментары