Вядучы вытворца мабільных тэлефонаў ручной зборкі клясы «люкс» кампанія «Vertu» аб’явіла пра пачатак працы на беларускім рынку. Цана на апараты вагаецца ад 4.600 да 270.000 эўраў.
Вядучы вытворца мабільных тэлефонаў ручной зборкі клясы «люкс» кампанія «Vertu» аб’явіла пра пачатак працы на беларускім рынку. Паводле слоў прадстаўніка кампаніі, штуршком да выхаду на рынак паслужыў эканамічны рост ў краіне.
Сёньня прадукцыя кампаніі рэалізуецца толькі праз адзінага беларускага дылера. Але ўжо вясной 2008 году ў Менску плянуецца адкрыцьцё фірмовага буціка «Vertu» (на сайце кампаніі ўжо пазначаны адрас: пл. Свабоды, 23 — НН).
Цана на такія эксклюзіўныя апараты вагаецца ад 4600 да 270 000 эўраў. Таму ня дзіва, што ў журналістаў паўстала пытаньне пра колькасьць беларусаў, якія могуць дазволіць сабе набыць такую раскошу.
Генэральны дырэктар «Wital», эксклюзіўнага дыстрыбутара «Vertu» ў Расеі й краінах СНД, Хардзі Шнайдэр заявіў, што ў Беларусі налічваецца 100 тысяч заможных грамадзян. «Гэтыя зьвесткі нам перадаў «Дойчэ банк». Апроч таго, для нас праводзяцца спэцыяльныя дасьледаваньні ў розных краінах», — сказаў сп.Шнайдэр.
Прадстаўнікі кампаніі адзначылі, што «будзе вельмі добра, калі за год удасца рэалізаваць у Беларусі 1000 мабільнікаў «Vertu».
Цяпер чытаюць
Пасярод іранскіх бамбёжак Дубая Кірыл Руды перабраўся з Эміратаў у ЗША: «Рады злучаць кантыненты! Не саромейцеся да мяне звяртацца»6
Каментары