Палітычнаму расійскаму блогеру, які хваліць Лукашэнку, забаранілі ўезд у Беларусь
Назір Яўлоеў запэўнівае, што падтрымліваў Лукашэнку нават тады, калі «кожны сабака яго ненавідзеў і гатовы быў разарваць». А цяпер шчыра здзіўлены, што яму забаранілі ўезд у Беларусь проста за тое, што ён адстойваў свае правы.
На тыкток-канал Назіра Яўлоева, дзе ён выказвае свае думкі адносна розных палітычных падзей, падпісана каля 412 тысяч чалавек.
Сам блогер — асоба нешараговая. Яўлоеў па нацыянальнасці інгуш, раней ён працаваў прэс-сакратаром міністра ўнутраных спраў Інгушэціі — рэспублікі ў складзе Расіі.
Інваліднасць першай групы ён атрымаў у 2008‑м — пад дно яго машыны падклалі бомбу. Параненага мужчыну адвезлі ў бальніцу, яму давялося ампутаваць левую нагу.
Назір Яўлоеў мае расійскае грамадзянства, але, падобна, што жыве ў Германіі.
Летась тыктокер ужо трапляў у скандал на польска-беларускай мяжы. Тады праблема ўзнікла праз тое, што Назір, які мае інваліднасць, хацеў праехаць без чаргі. Для гэтага трэба было прадэманстраваць памежнікам пасведчанне, у якім прапісаны працэнт інваліднасці. У расійскім пасведчанні такога не пазначаюць, а нямецкае трэба было перакласці на беларускую ці рускую мовы. Абураны Яўлоеў нават запісваў відэазварот да Лукашэнкі.
Некалькі дзён таму тыктокер, які быў шчыра ўпэўнены, што яго прыгоды на мяжы скончыліся, зноў хацеў заехаць у Беларусь з тэрыторыі Польшчы.
— Беларускія памежнікі мой пашпарт туды-сюды… «Пастаўце, — кажуць, — калі ласка, сюды машыну, і праедзем са мной». Я прайшоў. Зрабілі дактыласкапію, я падпісаў, што трэба. Кажу: «Ну што здарылася?».
Блогеру паведамілі, што яму забаронены ўезд у Беларусь да 17 верасня 2026 года. Такое рашэнне прыняло беларускае МУС — менавіта туды памежнікі параілі Назіру звяртацца па ўсе тлумачэнні.
Тыктокер шалёна пакрыўджаны і зноў звяртаецца да Лукашэнкі:
— Вось так вось, Аляксандр Рыгоравіч! А я чалавек, які вядзе інфармацыйную вайну, падтрымлівае Беларусь, падтрымлівае Аляксандра Рыгоравіча.
Лічу яго сапраўдным мужыком, сапраўдным патрыётам свайго народа. У 2020 годзе асабіста я падтрымліваў прэзідэнта. Калі кожны сабака яго ненавідзеў і гатовы быў разарваць. Калі Аляксандр Рыгоравіч разам са сваім сынам са зброяй адстаялі свой народ ад заходняй інтэрвенцыі.
Назір запэўнівае: калі б ва Украіне ў свой час замест Януковіча быў Лукашэнка, дык там быў бы парадак. А калі б у Беларусі замест Лукашэнкі быў бы Януковіч, дык тут было б як «ва Украіне».
Блогер спадзяецца, што яго відэа дойдзе да Лукашэнкі ці хаця б да яго адміністрацыі.
У наступным відэа Назір ужо спрабуе быць менш рэзкім у выказваннях — кажа, што яго стаўленне да Беларусі ўсё роўна не зменіцца.
— Беларусы для мяне ўсё роўна будуць прыкладам таго, як трэба жыць, як трэба будаваць сваю краіну. Беларусы даўно паказалі гэты прыклад. Проста крыўдна. За тое, што я проста запатрабаваў прытрымлівацца закону. За тое, што я бараніў свае правы…
Цяпер блогер думае, што рабіць далей і як трапіць у Расію.
— Праз Эстонію? Дык эстонцы таксама злыя…
І хвалюецца праз тое, ці прапусцяць яго ў Беларусь пасля 17 верасня — бо забарону ж можна і падоўжыць.
Брэсцкія памежнікі не прапусцілі без чаргі інваліда з Расіі — былога прэс-сакратара паліцыі Інгушэціі. Ён абураны
Брытанскі блогер, які змагаўся за беларускі ДНЖ і хадзіў да Кубракова, усё ж выехаў з Беларусі. Выпусцілі не з першай спробы
У Мінску знік вядомы прарасійскі блогер і госць лукашэнкаўскай прапаганды
Каментары
Падобныя на аптіалудінава рф
Ні трэба быць вялікім экспертам адкуль " вушы"