Культавы інтэлектуальны адрас беларускай сталіцы застаецца на сваім месцы.
Маладыя супрацоўнікі кнігарні мыюць і чысцяць пасля праверкі. Яны адчулі палёгку. Многія думалі, што ім не давядзецца працаваць больш. Тым не менш, праверка скончылася і сышла. Пячатка з дзвярэй знятая.
Дырэктар кнігарні, аднак, чакае штрафаў. «Будзе пратакол аб адміністрацыйным правапарушэнні — за парушэнні ў вядзенні кнігі заўваг і прапаноў і, галоўнае, за гандаль кнігамі без ліцэнзіі Міністэрства інфармацыі», — паведаміў Ігар Логвінаў.
Па яго словах, пакуль на руках пратакола няма, то ён не ведае, якім дакладна будзе пакаранне.
Ігар адзначыў, што за год восем разоў звяртаўся ў Мінінфарм па ліцэнзію. І кожны раз яму адмаўлялі. Адна з адмоў была звязана з тым, што Ігар… няправільна ўказаў паштовы індэкс. «Яны са мной гуляюцца».
Праверку кнігарні праводзіць падатковая інспекцыя Цэнтральнага раёна Мінска.
Летась Міністэрства інфармацыі забрала ў выдавецтва «Логвінаў» выдавецкую ліцэнзію за выпуск альбома «Прэс-фота Беларусі 2011». Альбом прызналі нібыта экстрэмісцкім.
Кнігарня «логвінаЎ» з’яўляецца месцам шматлікіх кніжных прэзентацый і гранічна значнай для нацыянальнай культуры і літаратуры прасторай.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»31
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары