У Гомелі гульні школьнікаў з петардамі скончылася шпіталізацыяй аднаго з іх з цяжкімі траўмамі.
27 снежня ў 17.00 у абласную клінічную бальніцу Гомеля паступіў хлопчык 2003 года нараджэння з чэрапна-мазгавой траўмай і апёкам твару 1-2-й ступені (3% цела).
Было ўстаноўлена, што са сваім сябрам ён набыў у шапіку петарды і пайшоў іх ўзрываць у двары школы.
На тэрыторыі школы размешчана газаразмеркавальная падстанцыя, абгароджаны металічным плотам. Каля падстанцыі маецца тэхналагічны калодзеж, у ім - запорная газавая арматура. На выпадак магчымых уцечак у металічным люку прасвідраваны адтуліны для вентыляцыі.
Падышоўшы да тэхналагічнага калодзежа, хлопчыкі кінулі ў адтуліну металічнага люка петарду. Пры выбуху газу вечка люка адкінула на 1,5 м і адзін з хлопчыкаў атрымаў траўмы.
Каментары