18-гадовы жыхар Чарапаўца Мікіта Берлізаў у эфіры прапагандысцкага канала «Lifenews» сыграў ролю ўкраінскага прызыўніка, які нібыта не хоча ваяваць у Данбасе супраць сепаратыстаў.
Ні ён, ні тэлевядучы, відаць, не ведалі, што прызыў у войска ва Украіне па новым заканадаўстве пачынаецца з 20 гадоў.
«Улетку Мікіту прыйшла позва аб прызыве ў войска. На сямейным савеце вырашылі, што аб службе ў арміі на Украіне не можа быць і гаворкі. Цяпер малады чалавек пачаў новае жыццё ў Расіі ў статусе часовага перасяленца», — паведамляецца на сайце.
Пры гэтым у сацыяльнай сетцы ёсць старонка Мікіты Берлізава, на якой паказана, што ён з'яўляецца жыхаром горада Чарапавец Валагодскай вобласці.
Цяпер чытаюць
Літва зноў зачыніла мяжу з Беларуссю — ізноў шары з кантрабандай14
Каментары