Байцы кажуць, што змогуць пратрымацца максімум 12 гадзін.
Reuters.com
Байцы батальёна «Кіеўская Русь» заявілі, што змогуць пратрымацца без дапамогі толькі 12 гадзін, інакш могуць загінуць усе. Аб гэтым піша журналіст Вольга Германава ў сваім Facebook.
У Дэбальцаве працягваюцца жорсткія баі, украінскія вайскоўцы кантралююць горад Логвінава.
Па словах журналіста Андрэя Цапліенкі баевікі захапілі чыгуначны вакзал і мясцовы аддзел міліцыі.
Таксама пра гэта сёння на брыфінгу паведаміў спікер АТА Андрэй Лысенка.
«Украінскія вайскоўцы кантралююць горад Логвінава, часткова дэблакавалі і кантралююць дарогу на Дэбальцава. Зараз на ўскраінах горада ідуць жорсткія баі, ёсць напружаная сітуацыя ў раёне чыгуначнага вакзала, але нашы вайскоўцы пазіцыі трымаюць», — сказаў Лысенка.
Ён аспрэчыў інфармацыю некаторых расійскіх СМІ, што ўкраінскія вайскоўцы нібыта з-за страт пакідаюць пазіцыі пад Дэбальцавам. Па словах Лысенкі, наадварот баевікі нясуць страты. «Супернік губляе ўсё больш і больш людзей і тэхнікі», — адзначыў Лысенка.
Васкрасенскі: Адкрываецца неба — і Алесь Бяляцкі адразу выходзіць31
Каментары