Bajcy kažuć, što zmohuć pratrymacca maksimum 12 hadzin.
Reuters.com
Bajcy bataljona «Kijeŭskaja Ruś» zajavili, što zmohuć pratrymacca biez dapamohi tolki 12 hadzin, inakš mohuć zahinuć usie. Ab hetym piša žurnalist Volha Hiermanava ŭ svaim Facebook.
U Debalcavie praciahvajucca žorstkija bai, ukrainskija vajskoŭcy kantralujuć horad Łohvinava.
Pa słovach žurnalista Andreja Caplijenki bajeviki zachapili čyhunačny vakzał i miascovy adździeł milicyi.
Taksama pra heta siońnia na bryfinhu paviedamiŭ śpikier ATA Andrej Łysienka.
«Ukrainskija vajskoŭcy kantralujuć horad Łohvinava, častkova debłakavali i kantralujuć darohu na Debalcava. Zaraz na ŭskrainach horada iduć žorstkija bai, jość napružanaja situacyja ŭ rajonie čyhunačnaha vakzała, ale našy vajskoŭcy pazicyi trymajuć», — skazaŭ Łysienka.
Jon asprečyŭ infarmacyju niekatorych rasijskich ŚMI, što ŭkrainskija vajskoŭcy nibyta z-za strat pakidajuć pazicyi pad Debalcavam. Pa słovach Łysienki, naadvarot bajeviki niasuć straty. «Supiernik hublaje ŭsio bolš i bolš ludziej i techniki», — adznačyŭ Łysienka.
Kamientary