Рух трамваяў у Дубаі амаль цалкам спынены з-за пажару сённяшняй ноччу ў адным з самых высокіх жылых будынкаў свету, паведамляюць інфармагенцтвы.
Як паведамляе паліцыя горада, пацярпелых і загінулых няма. У цяперашні час побач з будынкам, у якім яшчэ няма электрычнасці, заблакаваныя дарогі.
Упраўленне дарог і транспарту Дубая паведаміла, што ў сувязі з пажарам трамвайны рух у горадзе не будзе працаваць на большасці станцый. Гэта звязана з тым, што фрагменты аздаблення будынка, якія падалі ноччу, закранулі трамвайныя шляхі.
Прычына пажару пакуль невядомая. Па словах жыхароў хмарачоса, агонь ахапіў адразу некалькі яго паверхаў.
У 2011 годзе пры адкрыцці хмарачос вышынёй 348 м быў самай высокай жылой вежай у свеце, цяпер ён займае пятае месца. Назва The Torch («Факел») хмарачос атрымаў за мудрагелістую архітэктуру верхняй часткі будынка, якая нагадвае языкі полымя.
Цяпер чытаюць
Хто тая Аліна, з якой Лукашэнка танцаваў гэтым разам на навагоднім балі18
Каментары