Ruch tramvajaŭ u Dubai amal całkam spynieny z-za pažaru siońniašniaj nočču ŭ adnym z samych vysokich žyłych budynkaŭ śvietu, paviedamlajuć infarmahienctvy.
Jak paviedamlaje palicyja horada, paciarpiełych i zahinułych niama. U ciapierašni čas pobač z budynkam, u jakim jašče niama elektryčnaści, zabłakavanyja darohi.
Upraŭleńnie daroh i transpartu Dubaja paviedamiła, što ŭ suviazi z pažaram tramvajny ruch u horadzie nie budzie pracavać na bolšaści stancyj. Heta źviazana z tym, što frahmienty azdableńnia budynka, jakija padali nočču, zakranuli tramvajnyja šlachi.
Pryčyna pažaru pakul nieviadomaja. Pa słovach žycharoŭ chmaračosa, ahoń achapiŭ adrazu niekalki jaho pavierchaŭ.
U 2011 hodzie pry adkryćci chmaračos vyšynioj 348 m byŭ samaj vysokaj žyłoj viežaj u śviecie, ciapier jon zajmaje piataje miesca. Nazva The Torch («Fakieł») chmaračos atrymaŭ za mudrahielistuju architekturu vierchniaj častki budynka, jakaja nahadvaje jazyki połymia.
Kamientary