Пра гэта вядомы расійскі пісьменнік і перакладчык Барыс Акунін (Грыгорый Чхарцішвілі) заявіў у інтэрв'ю Бі-Бі-Сі.
«Я ў Расію перастаў зусім ездзіць. І да таго часу, пакуль там не зменяцца атмасфера і клімат, я туды ездзіць не збіраюся. Я вырашыў, што з мяне хопіць, і што я хачу з'ехаць, я вырашыў недзе ў канцы лета, у пачатку мінулай восені.
У мяне ўзнікла цвёрдае адчуванне, што мая краіна акупаваная ворагам. Усё, што мне ў жыцці было заўсёды варожа, усё, што мне было ненавісна, яно цяпер правіць баль.
Шавінізм, ксенафобія, агрэсіўная хлусня, нецярпімасць да іншадумства — гэта ўсё зараз апанавала ўсю прастору навакол.
Які ў гэтай сітуацыі ёсць выбар? Ці ты з'яжджаеш з гэтай прасторы, ці ты, я не ведаю, пакідаеш сваю мірную прафесію,
бярэш стрэльбу і ідзеш у партызаны змагацца з акупантамі. Але партызанам можна змагацца з акупантамі, калі іх падтрымлівае мірнае насельніцтва. Бо партызан, якога не падтрымліваюць навакольныя вёскі, — за каго ён, уласна кажучы, партызаніць?
А адчуванні, што мірнае насельніцтва прытрымліваецца тых жа поглядаў, што і я, у мяне абсалютна не было. Наадварот, усе вакол неяк страшна радаваліся, ім усё было выдатна.
Я з'ездзіў у пачатку зімы ў Расію яшчэ раз, паглядзець, ці не стала лепш. Стала горш. Стала горш.
Я выдатна разумею, як гэты механізм зладжаны. Я разумею, чаму гэта адбываецца. Гэта даволі простая рэцэптура. Бярэцца застарэлы імперскі комплекс, які сядзіць у масавай свядомасці, уключаецца тэлевізар на поўную катушку, атрымліваецца вынік. Але ад таго, што я гэта разумею, мне весялей не становіцца.
Увогуле, у мяне зараз такі перыяд, ведаеце, які бывае, калі вырашаюць раз'ехацца і праверыць свае пачуцці на адлегласці.
Бі-Бі-Сі: Гэта значыць, праблема, як вы самі прызнаяце, не столькі ва ўладзе, колькі ў падтрымцы яе насельніцтвам?
Галоўная праблема не ў чалавеку па імені Уладзімір Пуцін. Галоўная праблема ў мазгах насельніцтва.
Да таго часу, пакуль людзі не зразумеюць, што ім дураць галаву, пакуль яны не пасталеюць, пакуль яны не пачнуць думаць самастойна … Калі я магу нечым у гэтым паспрыяць … але я магу зрабіць гэта толькі пры дапамозе слова. Зараз, у мяне такое адчуванне, у Расіі перыяд палітыкі часова скончыўся. Гэта такое зацішша, але я баюся, што гэта зацішша перад бурай.
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?20
Каментары