Сейм Польшчы падтрымаў праект пастановы, якая прадугледжвае ўстанаўленне Нацыянальнага дня перамогі 8 мая замест свята Перамогі і свабоды 9 мая.
За гэтую ініцыятыву прагаласавалі ў пятніцу 396 дэпутатаў Сейма, супраць былі 5, устрымаліся 14.
На думку аўтараў пастановы, «прычын, каб прымаць у Польшчы тлумачэнне завяршэння вайны, што дзейнічала ў СССР, няма. Трэба памятаць, што завяршэнне Другой сусветнай вайны ў Еўропе ў выпадку з дзяржавамі, занятымі Чырвонай Арміяй, у якіх былі ўведзеныя нявыбарныя ўрады і недэмакратычная палітычная сістэма, цяжка лічыць трыумфам свабоды».
У Польшчы Дзень Перамогі некалькі дзесяцігоддзяў адзначаўся 9 мая. З 1989 свята было перанесенае на 8 мая, як ва ўсёй Еўропе, але заканадаўча гэта не было замацавана. Калі Сенат і прэзідэнт падтрымаюць рашэнне Сейма, Польшча ўжо ў гэтым годзе можа афіцыйна адзначаць завяршэнне Другой сусветнай вайны 8 мая.
Афіцыйны прадстаўнік МЗС РФ у Польшчы Аляксандр Лукашэвіч заявіў, што намер Польшчы «варты жалю». «Гэта спроба груба перагледзець гістарычныя дасягненні нашых народаў у Вялікай Айчыннай вайне. Бракуе чалавечых слоў, наколькі гістарычная памяць кароткая у некаторых народаў», — сказаў ён.
Цяпер чытаюць
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках19
Каментары