За абнаўленне партала Нацыянальнай бібліятэкі не ўзяліся. 213 тысяч даляраў — мала
Такая праца каштуе прынамсі 400 тысяч даляраў, кажа ўдзельнік тэндару.
Абодва ўдзельнікі тэндару на абнаўленне і мадэрнізацыю сайта Нацыянальнай бібліятэкі падалі заяўкі, што не задаволілі замоўцу, паведамляе Onliner.by. Тэндар будзе праведзены паўторна.
Навукова-вытворчае таварыства «Тодэс» прапанавала правесці работы па заяўленай цане (3,141 млрд беларускіх рублёў), але аб’ём работ не задаволіў замоўцу. ААТ «Агат-Сістэм» прапанавала адпаведны тэхнічным умовам аб’ём работ, але замоўцу не задаволіла цана.
«Цана (у 3,141 млрд — НН) цалкам рэальная, — тлумачыць дырэктар «Тодэс» Юрый Суровы. — Гаворка ідзе не пра сайт, які можна зрабіць у адзіночку на каленцы. Параўнайце цэны з расійскімі ці заходнімі — яны ў разы больш».
«Сухі сабекошт гэтага праекту пры нармаванні па дзяржаўных заробках складае 400 тысяч даляраў», — кажа начальнік аддзела «Агат-Сістэм» Аляксей Шульдаў. Паводле яго слоў, праца з нацыянальнай бібліятэкай адрозніваецца ад працы са звычайным інтэрнэт-парталам, працэс інтэграцыі парталу з каталогамі вельмі працаёмкі.
***
Тэндар на мадэрнізацыю парталу Нацыянальнай бібліятэкі быў абвешчаны 30 сакавіка. Да ўдзелу запрашаліся любыя фізічныя і юрыдычныя асобы, у тым ліку індывідуальныя прадпрымальнікі. Выканаць працу трэба было да 15 снежня 2015 года.
Цяпер чытаюць
Мінгандлю выпадкова зліла дакумент, у якім паказала, як і за што налічвае прэміі7
Каментары