У Мінску наносяць «зялёныя» велапераезды, на якіх можна не спешвацца ФОТЫ
Месцы перасячэння роварных дарожак з гарадскімі магістралямі ў Мінску працягваюць абсталёўваць спецыяльнымі велапераездамі.
Гэтую навінку сталічная ДАІ ўвяла яшчэ восенню 2014 года на праспекце Пераможцаў. Цяпер, пры перасячэнні дарогі па такім «зялёным» пераездзе, раварыстам дазваляецца не спешвацца, як гэта прадугледжана правіламі, а спакойна пераязджаць дарогу.
Як лічаць у мінскай ДАІ, такое новаўвядзенне павінна зрабіць акцэнт на значнасць роварнага транспарту ў горадзе, а таксама павысіць бяспеку дарожнага руху.
Такія велапераезды будуць абсталёўваць на новых роварных маршрутах і пры рамонце старых святлафораў у месцах з актыўным роварным рухам.
Каментары