Расійскія артысты прыгразілі байкотам «Рускаму радыё» у выпадку стварэння «патрыятычнага медыяхолдынгу»
Многія расійскія выканаўцы хочуць аб'явіць байкот «Рускай медыягрупе» і адклікаць свае песні з эфіру станцый холдынгу «Рускага радыё», заявіў прадзюсер і муж спявачкі Валерыі Іосіф Прыгожын.
«Руская медыягрупа» (РМГ) — адзін з найбуйнейшых медыяхолдынгаў Расіі, у склад якога ўваходзяць радыёстанцыі «Рускае радыё», «Хіт FM», Maximum, Monte Carlo, DFM, а таксама расійскі музычны тэлеканал RuTV.
Стала вядома, што на базе РМГ можа з'явіцца «патрыятычны медыяхолдынг», што выклікала незадаволенасць некаторых прадстаўнікоў расійскага шоу-бізнесу.
Яны звярнуліся да Уладзіміра Пуціна з просьбай не дапусціць продажу «Рускай медыягрупы» «Дзяржканцэрту».
Тады Сяргей Архіпаў, які прапрацаваў на пасадзе гендырэктара РМГ дзевяць дзён, заявіў, што кіраўнік «Дзяржканцэрту» Сяргей Бунін прасіў яго прыбраць з эфіру кампазіцыі расійскіх выканаўцаў, якія раней выступілі супраць продажу РМГ «Дзяржканцэрту».
Паводле Іосіфа Прыгожына, многія артысты гатовыя адмовіцца ад эфіру на «Рускім радыё» і ўдзелу ў заснаванай радыёстанцыяй прэміі «Залаты грамафон».
«Калі мы адклічам кантэнт, то ў эфіры проста з'явіцца дзірка. Мы гатовыя стварыць сваю радыёстанцыю. Мы не дапусцім здзекаў над намі», — заявіў Прыгожын.
У ліпені стала вядома, што «Рускую Медыягрупу» купляе федэральнае дзяржаўнае прадпрыемства «Дзяржканцэрт». Паведамлялася, што за здзелкай стаіць прадзюсар ВІА «Зямляне», былы кіраўнік ДУП «Крэмль» і член грамадскага савета фонду «Федэрацыя» Уладзімір Кісялёў.
Цяпер чытаюць
«Кіберпартызанаў» крытыкуюць за ўзлом сайта Нацбібліятэкі — бо цяпер не працуе каталог. Тыя адказалі22
Каментары